Fokus

Ky është premtimi që Bill Clintoni ia dha kryetarit të Vatrës në Amerikë

Autori: Ermirë Berisha 22:35 | 10 June 2022

Kryetari i Federatës Pan Shqiptare “Vatra”, Elmi Berisha, ka treguar për premtimin të cilin ia kishte dhënë Bill Clintoni, gjatë fushatës së tij presidenciale në Amerikë, shkruan Gazeta inFokus.

Berisha për emisionin N’Konak, ka treguar se Clintoni i kishte premtuar se nuk do të lejonte të ndodhte asgjë e keqe në Kosovë.

“Po kush jeni ju, i thash unë jam një shqiptar quhem Elmi Berisha, jam shqiptar nga Kosova edhe ai menjëherë e dinte se ku është Kosova, i thash e kam një pyetje a mund të na premtosh që nuk do të ndodh në Kosovë ajo se çfarë po ndodh në Bosnje dhe në Kroaci? Ai tha të sigurojë miku im shqiptar që kurrë nuk do ta lejojë një gjë të tillë” ka thënë Berisha për emisionin N’KONAK.

Ai gjithashtu ka shtuar se ky mesazh i shërbeu në mënyrë mjaftë pozitive që mos të dorëzohej asnjëherë sa i përket çështjes së shqiptarëve.

“Ky ishte mesazhi dhe një prekje hyjnore për mua do të thotë një energji pozitive më kaploi dhe asnjëherë nga ajo ditë si kam humbur shpresat edhe në ditët më të vështira” shtoi kryetari i Vatrës.

Ndryshe, Federata Pan-Shqiptare Vatra është një shoqatë e shqiptarëve në Amerikë, e krijuar në vitin 1912, e cila ka mision historik mbrojtjen dhe garantimin e të drejtave të shqiptarëve në SHBA./Gazeta inFokus/

Të tjera

Fokusi

fokus