Lajme

Ky është personi që hodhi granatë në zyrë kryebashkiakut shqiptar

Autori: Gazeta inFokus 19:12 | 31 December 2019

Policia e Shtetit ka përcjellë për opinionin publik foton e Gëzim Saraçit, shoferi i cili i bëri atentat kryebashkiakut të Lushnjes Fatos Tushe duke I hedhurnjë granatë këtë të martë.

Policia ka vënë në dispozicion po ashtu dhe një shumë prej 10 milionë lekësh të vjetra për çdo informacion që do të rezultojnë në kapjen e tij.

“Në lidhje me ngjarjen e ndodhur në Bashkinë e Lushnjës, ku shtetasi Gëzim Saraçi, 50 vjeç, hodhi në zyrën e Kryetarit të Bashkisë Lushnjë një granatë dore dhe për pasojë u plagosën jashtë rrezikut për jetën Kryetari i Bashkisë F. T. dhe sekretarja e Bashkisë shtetasja E. Q., ju informojmë se forcat speciale Renea, FNSH-ja e Fierit, shërbimet e Komisariatit të Policisë Lushnjë dhe të DVP Fier vijojnë krehjen e zonës, për kapjen e autorit të kësaj ngjarjeje.

-Advertisement-

Autori i kësaj ngjarjeje ka mundur të largohet menjëherë pas ngjarjes dhe dyshohet se është fshehur në territorin e qarkut Berat.

Me qëllim kapjen sa më shpejt të tij, Policia e Shtetit kërkon bashkëpunimin e qytetarëve dhe vë në dispozicion 1 milionë lekë të rinj për çdo informacion të saktë që do çojë në lokalizimin dhe kapjen e autorit.

Për çdo informacion sado të vlefshëm, qytetarët të telefonojnë në numrin unik 112 apo të dërgojnë imazhe në Komisariatin Dixhital, si dhe në numrin e celularit 069 41 07 337, duke ju garantuar anonimat të plotë dhe reagim të menjëhershëm të strukturave të Policisë për të kapur dhe vënë para përgjegjësisë ligjore autorin e kësaj ngjarjeje.”-njofton policia.

Subscribe në YouTube: GAZETA INFOKUSI