Fokus

Ky është numri i nxënësve dhe mësimdhënësve në Kosovë, që janë të infektuar me COVID-19

Autori: Samire Jaha 11:06 | 27 January 2022

Numri i të infektuarve në Kosovë, që nga janari ka filluar që të ketë rritje të madhe, shkruan Gazeta Infokus.

Për këtë shumë shkolla kanë kaluar në mësim online.

Mirëpo sa është numri i nxënësve dhe mësimdhënësve të infektuar?

-Advertisement-

Këtë e ka bërë të ditur për Gazetën Infokus, zëdhënësja e Ministrisë së Arsimit, Iliriana Pylla.

Ajo tha se aktualisht janë mbi 6 mijë nxënës të infektuar aktiv me koronavirus.

“Aktualisht janë 1 mijë  375 mësimdhënës të infektuar aktiv dhe 6 mijë e 344 nxënës”, ka thënë Pylla për Infokus.

Poashtu ajo tha se Ministria e Arsimit ka marrë vendim që task-forcat e shkollave në bashkëpunim me drejtoritë Komunale të Arsimit varësisht nga gjendja që paraqitet me pandeminë do të marrin vendim për kalimin e mësimit në platformën online.

“Ministria e Arsimit ka marrë vendim që task-forcat e shkollave në bashkëpunim me drejtoritë Komunale të Arsimit varësisht nga gjendja që paraqitet me pandemi të marrin vendim për kalimin e mësimit në platformën online. Ndërkaq, drejtues të institucioneve shëndetësore atyre të arsimit dhe njohës të çështjeve të arsimit kanë vlerësuar se shkollat duhet të jenë të fundit që do të mbyllen”, ka deklaruar Pylla./Gazeta Infokus/

Subscribe në YouTube: GAZETA INFOKUSI
Etiketa:
Çka do të thotë të gatuash shqip?

Të tjera

Fokusi

fokus