Lajme

Ky është njoftimi zyrtar që u lëshua pas mbledhjes së Këshillit të Sigurisë së Kosovës

Autori: Gazeta inFokus 22:36 | 25 September 2021

Kryesuar nga kryeministri i Kosovës, Albin Kurti, sonte u mbajt mbledhja e Këshillit të Sigurisë së Kosovës, shkruan Gazeta Infokus.

“Në mbledhje u shqyrtua situata e sigurisë në Republikën e Kosovës pas fillimit të zbatimit të vendimit për pajisjen me targa të përkohshme për automjetet me targa të Serbisë. Në veçanti u diskutua koordinimi i mëtejmë i veprimeve strategjike në shërbim të paqes dhe sigurisë, kushtetutshmërisë dhe ligjshmërisë në vend”, thuhet në komunikatë.

Institucionet e Republikës së Kosovës, thuhet se mbesin të përkushtuara për ruajtjen e rendit, sigurisë publike dhe sundimit të ligjit në tërë territorin e Republikës së Kosovës./Gazeta Infokus/

Të tjera