Ky është kërcënimi që Pjetër Ndrecaj ia bëri gruas së tij para se ta vriste
Autori: Gazeta inFokus 11:11 | 08 August 2018
Valbonë Marku Ndrecaj, 40 vjeçe, dhe e bija e saj 9 vjeçe, u vranë mbrëmë me breshëri plumbash nga ish-burri i saj, përkatësisht babai, Pjetër Nrecaj, në fshatin Brekoc të komunës së Gjakovës. Viktima dhe i dyshuari kishin muaj që ishin ndarë. Valbona qe disa kohë kishte qenë e kërcënuar nga ish-burri. Ajo pak para se të vritej kishte marrë një mesazh kërcënues nga ai, të cilin e kishte raportuar në polici. “Do të të gjej… do të ta bëj…”, kishte qenë mesazhi që Pjetri ia kishte dërguar Valbonës në telefon. Policia e ka hapur këtë rast si “kanosje”. Por pak orë më vonë në shtëpinë Marku u shënuan dy viktima nga Pjetër Nrecaj. Çifti kishin pasur 5 fëmijë, tre nga të cilët kanë jetuar me Valbonën, ndërsa dy të tjerë kanë jetuar me babanë, Pjetrin.
Detaje për këtë rast të rëndë ka dhënë sot gjatë ditës për, kryeprokurori i Gjakovës Ali Selimaj.
Ai ka shpjeguar se i dyshuari edhe më herët e kishte kërcënuar viktimën. Sipas tij, Pjetër Nrecaj kishte qëndruar rreth një muaj në paraburgim për veprën penale të “kanosjes” ndaj gruas.
“Viktima është ankuar në polici për kërcënimin, Policia ka shkuar në shtëpinë e të dyshuarit dhe ka tentuar ta kontaktojë por ka qenë e pamundur”, ka thënë Selimaj.
E 40-vjeçarja e cila mbrëmë u vra nga ish-burri, Valbona Marku Nrecaj, me origjinë nga rrethi i Tropojës së Shqipërisë, pak orë para se të vritej e kishte marrë një mesazh kërcënues nga Pjetër Nrecaj. Ai në atë mesazh e kishte paralajmëruar për vrasjen. E në gjithë këtë situatë, ajo është ndier e kërcënuar dhe rastin e ka raportuar në Polici. Këta të fundit kanë shkuar në vendin e ngjarjes, por nuk kanë mundur ta parandalojnë këtë rast. Të dyshuarin nuk e kanë gjetur në shtëpi.
“Viktima pak orë para se të ndodhte rasti, ka shkuar në polici dhe ka raportuar për një kanosje”, ka shpjeguar tutje prokurori Selimaj.
Ai ka shtuar se dorasi është person i njohur për Prokurorinë, pasi ndaj tij ka një procedurë penale. Ai sqaroi se i dyshuari ishte në paraburgim nga data 13 maj deri në 15 qershor të këtij viti dhe ndaj tij ka një aktakuzë për dhunë në familje, e cila është dorëzuar në gjykatë.
I dyshuari për vrasjen pritet të intervistohet sot. Prokuroria do të kërkojë një muaj paraburgim për të. /GazetaExpress/
Të tjera
-
Gërvalla në Kalabri të Italisë: Të shfrytëzojmë resurset dhe të forcojmë urat e bashkëpunimit
Ministrja e Punëve të Jashtme dhe Diasporës, Donika Gërvalla është duke qëndr...
-
Krasniqi takohet me Gorçeviqin e Malit të Zi, dakordohen për thellim të bashkëpunimeve
Ministri i Administrimit të Pushtetit Lokal, Elbert Krasniqi priti në takim m...
-
Serbi: Raporti i KE-së për Kosovën shihet si gjest armiqësor
Miratimi i raportit që i hap rrugën Kosovës për anëtarësim në Këshilin e Evro...
-
Kroacia nis procedurat për njohjen e patentë shoferëve të Kosovës
Qeveria e Kroacisë ka nisur procedurat për njohjen e ndërsjellë të patentë sh...
-
Tenderi i dyshimtë 2 milionësh i Përparim Ramës për Prishtina Parking
Një tender i komunës së Prishtinës në vlerë mbi 2.5 milionë duket se ka ngjal...
-
Lajçak nga shtatori me post të ri
Përfaqësuesi i veçantë i Bashkimit Evropian për dialog Miroslav Lajçak do të ...
-
Hamza e sfidon Kurtin për t’u përballur: Kur të don, i garantoj debat të edukuar
I nominuari për kryeministër nga PDK, Bedri Hamza i ka bërë ftesë kryeministr...
-
Osmani kujton mas*akrën e Belegut: Qoftë i përhershëm kujtimi për gjithë të rënët për liri
Presidentja e Kosovës, Vjosa Osmani, ka kujtuar masakrën e Belegut në Deçan, ...
-
Ministri italian i Mbrojtjes mbërrin në Kosovë, ambasada jep detaje për agjendën e tij
Ministri italian i Mbrojtjes, Guido Crosetto, ka mbërritur në Aeroportin Ndër...
-
Kurti sot takohet me studentët romë, ashkali dhe egjiptianë
Kryeministri i Kosovës, Albin Kurti, sot do të takohet me disa nga studentët ...
-
“Tërhiqet” ushtria serbe nga Presheva
Artileri e madhe ushtarake serbe, është parë duke u larguar mbrëmë nga komuna...
-
Ministri i Mbrojtjes i Italisë vjen në Kosovë
Ministri italian i Mbrojtjes, Guido Crosetto, do të qëndrojë në Kosovë gjatë ...