Lajme

Ky është investimi 300 mijë euro që Komuna e Prishtinës pritet të bëjë për uljen e aksidenteve

Autori: Gazeta inFokus 16:26 | 17 October 2022

Hiq më pak se 15 mijë 672 aksidente trafiku ndodhën në Kosovë vetëm në periudhën janar – shtator të këtij viti. Kjo sipas të dhënave që Gazeta Infokus ka siguruar nga Policia e Kosovës.

E për këtë gjë të paktën në Komunën e Prishtinës duket se po fillon të bëhet një zgjidhje. Duke qenë se jo rrallë herë shkaktar i aksidente është edhe mungesa e sinjalizimeve në rrugë, Kuvendi Komunal i Prishtinës, ka hapur tenderë për të bërë sinjalizimin horizontal dhe vertikal të kryeqytetit.

-Advertisement-

Shuma e paraparë për kompaninë e cila pritet të kryejë këto punë të tenderit është 300 mijë euro, e ku kohëzgjatja e kësaj kontrate është paraparë deri në 36 muaj.


Ndryshe ekspertë të sinjalizimeve në Kosovë kanë treguar se mungesa e sinjalizimeve horizontale por edhe vertikale është në gjendje të mjerueshme në vendin tonë.

“Gjendja e sinjalizimit vertikal dhe horizontal në rrugët nacionale dhe regjionale është në gjendje të mjerueshme, 40% mungon sinjalizimi, pastaj mungesa e sinkronizimit të sinjalizimit horizontal dhe vertikal si dhe sinjalizimi që nuk i plotëson standardet e sigurisë rrugore. Drejtuesit e automjeteve në Kosovë janë lënë nën mëshirën e fatit, sa i përket sigurisë rrugore”, kishte treguar për Infokus, njohësi i këtyre çështjeve Nol Dedaj.

/Gazeta Infokus/

Subscribe në YouTube: GAZETA INFOKUSI
Etiketa:
Birra të ftohta e me shumë ZBRITJE veç në Viva Fresh!
-Advertisement-

Të tjera

Fokusi

lajme