Lajme

Ky është dokumenti me të cilin Surinami anulon njohjen e pavarësisë së “Kosovës e Metohisë”

Autori: Gazeta inFokus 13:08 | 31 October 2017

Ministri i Jashtëm i Serbisë Ivica Daçiq gjatë konferencës “urgjente” ku ka folur për vendimin e autoriteteve të Surinamit për “tërheqjen e njohjes” së pavarësisë së Kosovës, ka treguar se vendimi është marrë nga Qeveria e Surinamit më 27 tetor.

Në Serbi është prezantuar edhe një dokument ku flitet për revokimin e njohjes së pavarësisë së “Kosovës e Metohisë”.

Ndërkohë në mediat serbe është prezantuar edhe dokumenti me të cilin revokohet njohja e pavarësisë së Kosovës që kishte ndodhur në korrik të vitit të kaluar.Në Ministrinë e Jashtme të Kosovës kanë mohuar se është anuluar njohja nga Surinami duke thënë se Daçiq po shpif.

-Advertisement-

Madje ata thonë se tërheqja e njohjes as që ekziston si koncept në të drejtën ndërkombëtare.“Tërheqja e njohjes nuk ekziston si koncept në të drejtën ndërkombëtare.

Pra është shpifje”, ka thënë për Gazetën Express Jetlir Zyberaj, këshilltar i ministrit të Jashtëm, Behgjet Pacollit.Ndërkaq në notën diplomatike që Misioni Diplomatik i Surinamit i ka dërguar Misionit Diplomatik të Serbisë thuhet se ky mision “ka nderin t’ia përcjellë vendimin e Qeverisë së Republikës së Surinamit për revokimin e njohjes së Kosovës e Metohisë si një shtet i pavarur”.

Aty thuhet se për këtë vendim është njoftuar edhe MPJ e Kosovës.

Subscribe në YouTube: GAZETA INFOKUSI
Etiketa:
BKT Kosova dhe Komiteti Olimpik i Kosovës nënshkruajnë vazhdimin e marrëveshjes së sponsorizimit për periudhë 10-vjeçare
-Advertisement-

Të tjera

Fokusi

lajme