Lajme

Ky është delegacioni që do ta përfaqësojë Kosovën në Bruksel

Autori: Gazeta inFokus 13:28 | 26 February 2018

Delegacioni i Kosovë për negociata me Serbinë ka mbërritur në Bruksel ku gjatë ditës pritet zhvillohet rrethi i ri i bisedimeve për çështje teknike midis Prishtinës dhe Beogradit, transmeton Infokusi.com.

Ky delegacion kryesohet nga Avni Arifi ndërsa në ekip shihen edhe fytyra të reja. Veç tyre pjesëmarrës janë edhe këshilltarët e kryeministrit Haradinaj, Meliza Haradinaj e Halil Matoshi e Alban Dermaku. Këshilltari i Fatmir Limajt, Endrit Shala, Blerand Stavileci, shef i kabinetit të kryeparlamentari Kadri Veseli dhe këshilltari i Presidentit, Ardian Arifaj.

Ditë më parë Arifi ka bërë të ditur se me delegacionin serb do të bisedohet për zbatimin e marrëveshjeve që janë arritur deri tani.

-Advertisement-

Ky është takimi i parë mes Kosovës dhe Serbisë që nga emërimi i Avni Arifit në krye të negociatave.
Më 16 janar ishte planifikuar të mbahet takimi i parë por mëngjesin e asaj dite u vra lideri serb, Oliver Ivanoviq dhe Serbia ndërpreu bisedimet./INFOKUSI