Lajme

Ky do të jetë koordinatori për pranim e personave të mbijetuar të tërmeti që do të strehohen në Parkun Inovativ

Autori: Gazeta inFokus 13:51 | 28 November 2019

Koordinator i ekipit ndër- institucional të pranimit, strehimit dhe kujdesit për të zhvendosurit në Parkun Inovativ Tajnues Kosovaro-Gjerman do të jetë Faruk Dakaj, i cili aktualisht është Drejtor për Emergjenca dhe Siguri.

Kështu ka njoftuar kryeministri në detyrë, Ramush Haradinaj përmes një postimi në llogarinë e tij në facebok.

“Më koordinim me Ambasadorin Gjerman në Kosovë z. Christian Heldt, Kryetarin e Komunës së Prizrenit z. Mytaher Haskuka, Ministrin e Shëndetësisë z. Uran Ismaili, Drejtorin e Policisë z. Rashit Qalaj, Drejtorin e Agjencionit për Menaxhimit Emergjent z. Fadil Kodra, Ministrinë e Punëve të Brendshme – Drejtorin Valon Krasniqi dhe përfaqësuesit e GIZ-it, jemi dakorduar që Koordinator i ekipit ndër – institucional të pranimit, strehimit dhe kujdesit për të zhvendosurit nga Shqipëria në Parkun Inovativ Trajnues Kosovaro – Gjerman në Prizren, të jetë z. Faruk Dakaj – Drejtor për Emergjenca dhe Siguri, i ndihmuar nga të gjitha institucionet relevante qendrore dhe lokale”, ka shkruar ai.

Sipas tij nga ky mobilizim, në Parkun Inovativ dhe Trajnues Kosovaro – Gjerman është në proces të sistemimit të personave të zhvendosur nga Shqipëria dhe po ky ekip është angazhuar që t’u ofrojë gjithë ndihmën e nevojshme.

Më poshtë gjeni statusin e plotë të Haradinajt./Gazeta inFokus/

Në koordinim me Ambasadorin Gjerman në Kosovë z. Christian Heldt, Kryetarin e Komunës së Prizrenit z. Mytaher Haskuka, Ministrin e Shëndetësisë z. Uran Ismaili, Drejtorin e Policisë z. Rashit Qalaj, Drejtorin e Agjencionit për Menaxhimit Emergjent z. Fadil Kodra, Ministrinë e Punëve të Brendshme – Drejtorin Valon Krasniqi dhe përfaqësuesit e GIZ-it, jemi dakorduar që Koordinator i ekipit ndër – institucional të pranimit, strehimit dhe kujdesit për të zhvendosurit nga Shqipëria në Parkun Inovativ Trajnues Kosovaro – Gjerman në Prizren, të jetë z. Faruk Dakaj – Drejtor për Emergjenca dhe Siguri, i ndihmuar nga të gjitha institucionet relevante qendrore dhe lokale.

Tashmë nga ky mobilizim, në Parkun Inovativ dhe Trajnues Kosovaro – Gjerman është në proces të sistemimit të personave të zhvendosur nga Shqipëria dhe po ky ekip është angazhuar që t’u ofrojë gjithë ndihmën e nevojshme.

Policia e Kosovës ka siguruar Parkun Inovativ Trajnues Kosovaro – Gjerman, Agjencia e Emergjencave ka dërguar ekipin adekuat, Ministria e Shëndetësisë dhe Komuna e Prizrenit janë kujdesur për ekipet mjekësore primare dhe sekondare, Ministria e Punëve të Brendshme ka dërguar ekipet adekuate për menaxhim të zhvendosjen, Shoqëria civile dhe qytetarët në koordinim me Komunën e Prizrenit kanë ofruar ushqim dhe materiale të tjera të nevojshme.

Ambasada Gjermane në Prishtinë dhe GIZ, janë në përkrahje të vazhdueshme në koordinim dhe në ndihma.

Dua t’i falënderoj të gjithë qytetarët e Prizrenit, Institucionet qendrore dhe lokale të Republikës së Kosovës, për gatishmërinë, përgjegjësinë, reagimin dhe profesionalizmin e treguar në këtë gjithë këtë situatë tragjike për bashkëkombësit tanë.

Mediat do të informohen me kohë, për mundësinë e mbulimit medial të strehimit, akomodimit dhe kujdesit.

Kosova, në mënyrë institucionale, Ambasada Gjermane në Kosovë, GIZ-in dhe qytetarët e Kosovës me ndjenjën e solidaritetit do të jenë në dispozicion dhe pranë popullit shqiptarë në këto momente të vështira.

RH

 

Të tjera