Lajme

Kuvendi të mërkurën seancë për përjashtimin e AKA-së nga EQAR

Autori: Gazeta inFokus 14:02 | 05 March 2018

Deputetja e Kuvendit të Kosovës nga radhët e Vetëvendosjes, Albulena Haxhiu pas mbledhjes së Kryesisë së Kuvendit ka thënë se është marrë vendim që të mërkurën të mbahet seanca për përjashtimin e Agjencisë Kosovare të Akreditimit nga Regjistrit Evropian të Sigurimit të Cilësisë për Arsimin e Lartë, transmeton Infokusi.com

‘Në këtë mbledhje diskutuam për kërkesën për debat parlamentar për vendimin për përjashtimin e AKA nga Regjistrit Evropian të Sigurimit të Cilësisë për Arsimin e Lartë (EQAR). Ne kemi kërkuar seancë të jashtëzakonshme dhe u dakorduam që kjo seancë të mbahet t mërkurën në orën në orën 11:00’, ka thënë Haxhiu.

Ajo ka shtuar se Kuvendi do të majë seancë edhe të ënjten ndërsa pikë e rendit të ditës do të jetë dhuna në familje.
‘Po ashtu në këtë mbledhje u vendos që ë enjten në orën 10:00 të ketë seancë parlamentare me kërkesë të VV-së për dhunën në familje dhe adresimin institucional’, ka shtuar ajo

-Advertisement-

‘U diskutua edhe për rregulloren e punës së Kuvendit, por kjo rregullore nuk po ecë tutje dhe po kërkohet që të ketë ende diskutime ‘, ka thënë deputetja e VV-së.

Ndërsa e pyetur rreth procedimit të demarkacionit në Kuvend, ajo ka thënë se në këtë takim nuk është diskutuar në Kuvend ndërsa kudo që ai të procedohet qëndrimi i VV-së është i njëjtë, kundër demarkacionit.

Kryesia e Kuvendit sot prej orës 13:00 ka mbajtur mbledhje me kryetarët e Grupeve Parlamentare me kërkesën e 40 deputetëve për tu mbajtur seancë e jashtëzakonshme pas përjashtimit të AKA-së nga EQAR./INFOKUSI

Subscribe në YouTube: GAZETA INFOKUSI