Kuvendi rrezikon Postën e Kosovës për KEDS-in
Autori: Gazeta inFokus 09:30 | 11 April 2019
Qytetarët e Kosovës së shpejti do të paguajnë edhe 2.5 milionë euro shtesë në faturat e tyre të rrymës për Kompaninë Kosovare për Distribuim dhe Furnizim me Energji elektrike (KEDS).
Këtë, thonë deputetët e opozitës, e parasheh projektligji i RTK-së cili pritet të votohet të enjten në Kuvendin e Kosovës, shkruan Gazeta inFokus.
Nëse kalon ky ligj si i tillë, kompania private KEDS për mbledhjen e pagesës për transmetuesin publik do të marrë provizion 50 cent për çdo pagesë, e që i bije 2.5 milionë euro në vit.
Për Valon Ramadanin, deputet i lëvizjes Vetëvendosje, njëherësh anëtar i Komisionit për Administratë Publike dhe Media është e pa pranueshme që këto para ti jepen një kompanie private derisa të njëjtën punë mund ta kryej Posta e Kosovës, e cila edhe ashtu është në gjendje të rëndë financiare.
“… Ne mendojmë që kjo tarifë duhet të mblidhet nga Posta e Kosovës. Edhe ashtu, kompani publike që është pranë falimentimit, pra është tarifë që për një vit del diku 2 milion e gjysmë, këto 2 milionë e gjysmë më mirë do të ishte të ishin për kompaninë publike sesa për kompaninë private”, pati thënë Ramadani në një konferencë për media lidhur me këtë çështje.
Sipas tij Vetëvendosje kundërshton prerazi që edhe në rast të financimit nga qytetarët kjo shumë të mblidhet nga KEDS, sepse së pari nuk është kompani e përgjegjshme, së dyti provizioni që do të marrë prej kësaj pune është tepër i lartë dhe se është e papranueshme që qytetarët të paguajnë sërish për përfitim të KEDS-it.
“Tarifa e propozuar prej 2.5 euro në muaj e lidhur me matësit e energjisë dhe të çdo ndërtese në Kosovë, qoftë ajo amvisëri, qoftë këpucëtar, zyrë, noteri, bukëpjekës fabrikë, është jo vetëm arbitrare, është skandaloze, e padrejtë dhe antikushtetuese”, pati thënë Ramadani.
Venja e kësaj takse përmes KEDS-it , sipas tij automatikisht i jep të drejt kësaj kompanie të plaçkitë qytetaret përmes faturës së rrymës, shkruan gazeta inFokus.
Ndërkaq, për çdo muaj Posta i humb nga 200 mijë euro, si pasojë e pamundësisë për të ofruar shërbime postare.
Kështu ka deklaruar në fund të vitit të kaluar kryeshefi i saj, Sejdi Hoxha.
“Nëse flasim praktikisht, vetëm KEDS-i i ka rreth 500 mijë konsumatorë në Kosovë, që një letër e thjeshtë për me e dërgu është 0.40 cent, që i bie që 200 mijë euro në muaj Posta e Kosovës i humb vetëm nga pamundësimi i padrejtë që i bëhet në ofrimin e shërbimit postar. Ngjashëm ndodh edhe me ujësjellësit edhe me kompanitë e mbeturinave”, ka thënë Hoxha.
Të enjten, deputetët e Kuvendit të Kosovës pritet të vendosin nëse do të pranojnë që nga pagesa për Radio Televizionin e Kosovës do ti ndahen KEDS-it afro 3 milionë euro, apo do të rishqyrtohet kjo qështje./Gazeta inFokus/
Të tjera
-
Gërvalla falënderon kolegët për unitetin e arritur në çështjen e Këshillit të Evropës
Zëvdendëskryeministrja dhe ministrja e Punëve të Jashtme dhe Diasporës, Donik...
-
Macron bën thirrje për rritje të mbrojtjes: Evropa mund të vdesë
Presidenti i Francës, Emmanuel Macron, bëri thirrje të enjten për mbrojtje më...
-
Haradinaj: Kurti i ndihmoi aleatët e Vuçiqit dhe Rusisë duke i përçarë shqiptarët në Maqedoninë e Veriut
Kryetari AAK-së, Ramusha Haradinaj, ka kritikuar kryeministrin Albin Kurti pë...
-
Takimi me O’Brien, Kurti: Gjithmonë mirënjohës Shteteve të Bashkuara të Amerikës për mbështetjen ndaj Kosovës
Kryeministri i vendit, Albin Kurti të mërkurën në Gjermani është takuar me nd...
-
Bruksel: Kërkohet takim trilateral Kosovë-BE-Serbi
Takimi mes Kosovës dhe Serbisë në kuadër të dialogut në Bruksel, i cili ishte...
-
Gjermania e kërkon Asociacionin, zbatimi i vendimit për Manastirin s’mjafton për finalen në Këshill të Evropës
batimi i vendimit të Kushtetueses për Manastirin e Deçanit nuk është kundërpe...
-
Zgjatet orari në qendrat për pajisje me dokumente, punohet edhe të shtunave
Agjencia e Regjistrimit Civil sot ka marrë vendim që në të gjitha Qendrat për...
-
Tahiri: Raporti i DASh-it për Kosovën është letërnjoftimi i kësaj qeverie
Shefi i grupit parlamentar të AAK-së, Besnik Tahiri, duke komentuar rapor...
-
S’futet në rend dite propozimi i PDK-së për debat në lidhje me të gjeturat e DASh-it
Propozimi i PDK-së për debat parlamentar në lidhje me të gjeturat e raportit ...
-
U vazhdohet paraburgimi edhe për dy muaj tre të dyshuarve për su*min në Banjskë
Me kërkesë të Prokurorisë Speciale të Kosovës, Gjykata Themelore ua ka vazhdu...
-
Në seancë të mbyllur nis dëshminë dëshmitari i 57-të në rastin Thaçi dhe të tjerët
Në Dhomat e Specializuara të Kosovës (DhSK) në Hagë po vazhdon dëshminë dëshm...
-
Nis seanca, PDK kërkon debat parlamentar në lidhje me të gjeturat e raportit të DASh-it
Shefi i grupit parlamentar të PDK-së, Abelard Tahiri, ka kërkuar në emër të p...