Lajme

Kuvendi me mbi 2 milionë euro shpenzime në aktivitete të prokurimit

Autori: Gazeta inFokus 06:50 | 26 March 2019

Mbi 2 milionë euro është shuma që Kuvendi planifikon ta shpenzojë në aktivitete të prokurimit, sipas planit përfundimtar për vitin 2019. Shpenzimi më i madh do të bëhet në blerjen e pajisjeve për sallën plenare. Vlera e tyre është 500 mijë euro. Në zyrën e sekretarit nuk kanë treguar se në cilat pajisje do të investohet.

“Bëhet fjale për pajisjet e domosdoshme për sallën plenare”, ka thënë sekretari i Kuvendit, Ismet Krasniqi.

Gjatë mbajtjes së seancave, shpesh ka dështuar teknika e Kuvendit, dhe deputetëve u është kërkuar të votojnë me ngritje dore. Para disa javësh, kur i dështoi votimi elektronik, kryetari i Kuvendit, Kadri Veseli, tha se Misioni i OSBE-së ka ofruar ndihmë në pajisje. Por sipas sekretarit të Kuvendit, ndihma e OSBE-së, konsiston në diçka tjetër.

-Advertisement-

“OSBE-së i kemi adresuar kërkesë për mbështetje në fuqizimin e transparencës së punës së trupave të Kuvendit”, ka thënë ai.

Subscribe në YouTube: GAZETA INFOKUSI
Intervistë: Dr. Gorazd Konjanovski – Klinika Zhan Mitrev ka luajtur një rol kyç në vendosjen e themeleve në kardiokirurgji dhe…

Të tjera