Lajme

Kuvendi i Podujevës nëse nuk konstituohet deri më 3 janar do të shkojë në zgjedhje

Autori: Gazeta inFokus 12:00 | 29 December 2021

Kuvendi Komunal i Podujevës duket se është në përpjekjet e fundit për të zgjedhur kryesuesin në mënyrë që të shmangen zgjedhjet e jashtëzakonshme për Kuvend, shkruan Gazeta Infokus.

Kuvendi i Podujevës është duke mbajtur mbledhjen për të zgjedhur kryesuesin.

Kjo mbledhje që ka filluar me një gjysmë ore vonesë, dhe duket se është përpjekja e fundit për të zgjedhur kryesuesin në mënyrë që të shmangen zgjedhjet e jashtëzakonshme për Kuvend.

-Advertisement-

Anëtari i Lëvizjes Vetëvendosje në Komunën e Podujevës Pajtim Balaj ka thënë se nëse nuk konstituohet kuvendi deri më 3 janar, Kuvendi Komunal i Podujevës mund të shkojë në zgjedhje.

“Pa ndonjë arsye bindëse të prirë nga LDK-ja, më pas pasuan PDK-ja dhe AAK-ja, e gjithë opozita e braktisi seancën, kështu e pamundësuan mbajtjen e seancës. Proceduralisht nëse nuk zgjidhet kryesuesi, nëse nuk konstituohet Kuvendi deri më 3 janar, Kuvendi i Podujevës mund të shkojë në zgjedhje”, ka thënë Balaj, për Klan Kosovën.

Ndërsa nga LDK-ja ka thënë se nuk do të marrin pjesë në proces.

“Sikur kemi thënë edhe herën e kaluar, ne nuk do të marrim pjesë në këtë proces. Barra për formimin e institucioneve bie mbi partinë fituese dhe ne nuk marrim pjesë në këtë proces”, ka thënë këshilltari i LDK-së, Valon Demolli gjatë mbledhjes që është duke u mbajtur./Gazeta Infokus/

Subscribe në YouTube: GAZETA INFOKUSI