Lajme

Kushtetuesja mban të ngrirë zgjedhjen e kryetarit të Gjykatës Supreme

Autori: Gazeta inFokus 18:15 | 04 May 2017

Gjykata Kushtetuese e Kosovës e ka vazhduar masën e sigurisë ndaj procesit të zgjedhjes së kryetarit të Gjykatës Supreme deri më 29 qershor të këtij viti.

Enver Peci duhet të pres të paktën deri në fund të muajit të ardhshëm për t’u dekretuar nga presidenti i Republikës, Hashim Thaçi.

Në njoftimin e Gjykatës Kushtetuese thuhet ky vendim është rezultat i dokumenteve shtesë që i kanë paraqitur palët në procedurë.

-Advertisement-

Në mars të këtij viti gjyqtarja e Gjykatës Supreme, Valdete Daka, i ishte drejtuar Gjykatës Kushtetuese, duke kontestuar procesin e zgjedhjes së kryetarit të Gjykatës Supreme.

Enver Peci ishte zgjedhur me shumicë të votave nga anëtarët e Këshillit Gjyqësor të Kosovës (KGjK).

Pak ditë më pas, Gjykata Kushtetuese e pezulloi zgjedhjen e kryetarit të Gjykatës Supreme, duke i dhënë parimisht të drejtë ankueses për këtë votim.

Subscribe në YouTube: GAZETA INFOKUSI
Vetëm edhe 4 ditë nga Bootcamp me Alan Greenberg, ish-Drejtorin për Edukim në Apple, Apliko Tani

Të tjera