Lajme

Kush është menaxheri i ri i Trepçës?

Autori: Gazeta inFokus 17:54 | 03 May 2018

I sapo zgjedhuri ushtrues detyre i menaxherit të Trepçës, Miftar Hyseni tash e disa vite është pjesë e menaxhmentit të saj, shkruan Infokusi.com.

Hyseni së fundit brenda menaxhmentit të Trepçës ka mbajtur pozitën e zëvendës menaxheri të saj.

Emërimi i tij erdhi në takimin e sotëm të bordit dhe menaxhmentit të Trepçës, në kuadër të së cilëve po bëhet hartimi i draft statutit për ta përcjell më tutje për miratim nga Parlamenti i Republikës së Kosovës dhe aprovimin nga Qeveria e Kosovës.

-Advertisement-

Gjatë këtij takimi u premtua zbatimi i detyrave të marra nga Qeveria e Republikës së Kosovës dhe zhvillimin e Ndërmarrjes duke rimëkëmbur gjigantin Trepça.

Po ashtu Bordit Mbikëqyrës i “Trepçës” ka siguruar se transparenca, llogaridhënia dhe përkushtimi deri në funksionimin e tërësishëm të gjitha njësive afariste të Trepçës do të jetë prioritet gjatë punës se Bordit Mbikqyrës.’/INFOKUSI