Fokus

Kush është Eris Thaqi, talenti kosovar që mahniti gjigantin e futbollit turk? (VIDEO)

Autori: Sylejman Sylejmani 15:09 | 12 July 2019

Thjeshtësia në lojë është një prej virtyteve të tij.

Me të, Eris Thaqi bindi edhe klubin e madh të futbollit turk, Istanbulspor.

Mesfushori defanziv, kaloi me sukses provat një javore në Turqi.

“Në kontakt kam ra me disa menaxhera prej Turqisë që kanë ardhe me më shiku këtu, edhe pastaj ma kanë mundësu që me i kry provat atje në Instanbulspor edhe kështu ka vazhdu. I kanë pa dy-tri lojë të mija dhe ma kanë mundësu që me i kry provat në Istanbulspor”, thotë ai.

“Në Istanbulsport kam shku para 2-3 jave ku kam pas prova 1 javore, kam kalu shumë mirë. Kemi mbajtë cdo ditë trening. Pas treningeve të fundit trajneri i ekipit të parë ma ka jep lajmin që i kam kalu provat, ju kam pëlqy si lojtarë. Kanë interesim që të vazhdojnë me mu. Një vit të stërvis me ekipën e parë, por të luaj me ekipin U-19. Edhe pas një viti me shiku me vazhdu me ekipin e parë”

 

 

Mirëpo, ai akoma është duke e shqyrtuar ofertën.

Disa interesime nga Kosova e Shqipëria, e kanë bërë atë të ketë mëdyshje për të ardhmen.

“Normal jam duke e shqyrtu ofertën por kam oferta edhe prej Superligës këtu, që jam duke i shqyrtu. I kam prej dy tri klubeve, tash te shikojmë”, thotë ai.

Synimi i talentit prishtinas është që t’i mbërrijë majat në futboll, pavarësisht se të shumtë ishin ata që i thanë se nga futbolli nuk ka asgjë.

Synimi i Thaqit është që t’i mbërrijë majat në futboll

Edhe pse të shumtë ishin ata që i thanë se nga futbolli nuk ka asgjë

“Ka plot që më kanë thënë që le futbollin se ska kurgju prej kësaj pune, por unë nuk i kam dëgju dhe shpresoj që me e realizu që me i mbërri majat”. /Gazeta inFokus

Të tjera