Lajme

Kusari-Lila: Vetëmenaxhimi nuk është autonomi territoriale

Autori: Gazeta inFokus 20:21 | 23 March 2023

Shefja e Grupit Parlamentar të VV-së, Mimoza Kusari-Lila, është deklaruar në lidhje me marrëveshjen e Ohirt të mbajtur më 18 mars.

Kusari-Lila foli për “vetëmenaxhimin” duke u shprehur se kjo nuk nënkupton autonomi territoriale, përcjell Reporteri.net.

“Po flasim për marrëveshje të njëjta, por  gjithashtu që tashmë zbatimi i tyre i mëtutjeshëm po shtohet në parime të cilat Kosova aspiron apo synon”, tha Kusari-Lila në Klan Kosova.

-Advertisement-

Kusari ndër të tjera tha se të drejtat e komuniteteve sipas parimeve të Këshillit të Evropës nuk trajtohen vetëm në bazë të etnisë por në bazë të së drejtave universale.

”Psh në pikën e ndjeshme, atë të vetëmenaxhimit, i cili i referohet pastaj edhe parimeve të Këshillit të Evropës, aty ku ne kemi aplikuar për të qenë vend anëtar, të drejtat e komuniteteve, nuk trajtohen në bazë vetëm të etnisë, por të së drejtës univerzale  apo në bazë të të drejtave të qytetarit”, shtoi ajo.

Sipas saj këto elemente të reja do paraqiten si siguresa që të ketë një funksionim të mirëfilltë të shtetit dhe të respektimit të të drejtave të komuniteteve.

”Këto janë elemente të reja, apo komponentet e reja që në fakt do paraqiten si siguresa të funksionimit të mirëfilltë të shtetit dhe të respektimit të të drejtave të komuniteteve pa dallim”.

Ndër të tjera ajo tha se fokusi është te komuniteti serb .

”Fokusi është tek komuniteti serb, për faktin e historisë tonë gjatë viteve ’90-ta më dhe pastaj vitin ’99-të, por që në parimin e zbatimit të kërkesave të cilat tashmë janë edhe në pjesë e legjislacionit të kushtetutës, një vendimi të Gjykatës Kushtetuese, ato duhet të komponohen nga legjislacioni ekzistues”, tha Kusari-Lila.

Subscribe në YouTube: GAZETA INFOKUSI
Nëse doktor Mitrev do të përdorte hemofiltrimin me qëllim që të mashtruar pacientët, do t’i kishte mashtruar të gjithë 1738…

Të tjera