Lajme

Kusari-Lila: Kurti nuk ka asnjë arsye për të shkuar në zgjedhje

Autori: Gazeta inFokus 07:05 | 22 Maj 2024

Shefja e grupit parlamentar të Lëvizjes Vetëvendosje, Mimoza Kusari-Lila ka deklaruar se kryeministri Albin Kurti nuk ka asnjë arsye që të shkojë në zgjedhje.

Kusari-Lila ka deklaruar se Kurti ka qenë duke promovuar punën e mandatit të tij trevjeçar.

“Në politikë çdo gjë ka të bëjë edhe me mesazhin që e përcjell. Kurti ka qenë në proces të promovimit të punës së mandatit të tij trevjeçar. Ai nuk e sheh asnjë arsye për të shkuar në zgjedhje dhe në rast se shpërndahet Kuvendi, do të ketë qeveri teknike. Në cilindo rast i pari që shkon është Kuvendi dhe jo qeveria. Në këtë situatë nuk ka kuptim që të dorëhiqet qeveria”, ka thënë Kusari-Lila.

-Advertisement-

Kusari-Lila gjithashtu ka komentuar takimin mes Kurtit dhe shefit të PDK-së, Memli Krasniqi para një jave.

“Nuk kemi biseduar konkretisht për datën e zgjedhjeve, do të thotë janë propozimet ato që tashmë PDK-ja i ka bërë publike. Kryeministri kur e kanë përmendur (kohën e zgjedhjeve) ka thënë se: ‘po unë jam i vetëdijshëm që jemi në vitin e fundit të qeverisjes dhe ne mund të diskutojmë sezonin (për mbajtjen e zgjedhjeve) që është çështje muajsh. A po i mbajmë në pranverë apo në vjeshtë. PDK-ja ka propozuar që të shkohet në zgjedhje në fund të qershorit ose më së largu në javën e parë të korrikut”, ka thënë ajo.

Deputetja është pyetur për mundësinë që Kuvendi të shpërndahet deri më 30 qershor.

“Mundësia që Kuvendi të shpërndahet deri më 30 qershor varet prej zhvillimeve të tjera. Varet dhe nga dy partitë e tjera opozitare, LDK-ja dhe AAK-ja ulen për të gjetur bashkërisht unitetin”, ka thënë ajo. /ATV

Etiketa:
Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy