Lajme

Kusari ironizon me opozitën: Ta sjellim Nagip Krasniqin në Kuvend me duar të lidhura

Autori: Gazeta inFokus 11:48 | 26 Prill 2023

Në Kuvendin e Kosovës ka nisur të zhvillohet debati parlamentar lidhur me zhvillimet në Korporatën Energjetike të Kosovës (KEK) dhe përgjegjësinë e institucioneve qendrore në sektorin energjetik, shkruan Gazeta Infokus.

Shefja e grupit parlamentar e Lëvizjes Vetëvendosje, Mimoza Kusari-Lila, ka ironizuar me opozitën për thirrjen e kësaj seance të jashtëzakonshme duke iu kërkuar atyre që ta sjellin Nagip Krasniqin në Kuvend me duar të lidhura për ta intervistuar.

“i propozoj opozitës që ta bëjnë edhe një mocion sot që nga qendra e paraburgimit ku po mbahet zotëri Nagip Krasniqi të sillet këtu në sallën e Kuvendit ashtu duarlidhur siç e nxorën nga gjykata dhe të pyetet për të gjitha procedurat e prokurimit dhe aktivitetet e tjerra operacionale që janë kryer në KEK gjatë një viti e gjysmë sa ishte ai drejtor sepse njohuria dhe interesimi i madh i këtij debati është për prokurimin dhe prokurorinë sikur të ishit të bindur se prokuroria e ka të bazuar në fakte akuzën, ju nuk do të insistonit në mbajtjen e kësaj seance”, ka thënë Kusari./Gazeta Infokus/

-Advertisement-