Lajme

Kusari flet për sulmet ndaj Policisë, thekson rrethanat që “janë pjesë e veprimit të një lufte hibride”

Autori: Gazeta inFokus 10:43 | 28 April 2022

Kryetarja e Grupit Parlamentar të Lëvizjes Vetëvendosje, Mimoza Kusari tha sot në seancën e Kuvendit se “sot më shumë se kurrë do të ketë ndërhyrje të luftës hibride në rajonin tonë”.

Ajo foli për sulme e fundit ndaj Policisë së Kosovës.

“Ky ishte sulmi i gjashtë me radhë në periudhën kohore prej dy javësh ndaj Policisë së Kosovës. Për tri ditë, Policia ishte sulmuar 4 herë në veri”, tha ajo.

-Advertisement-

“Përkundër shqetësimeve të cilat sjellin këto sulme, asgjë nuk është e parpritur apo e çuditshme në këto rrethana politike”, shtoi Kusari.

Me Serbinë, situata të tilla janë të pritshme, tha ajo, ndërsa foli për rrethanat e reja të krijuara, shkruan Express.

“Rrethanat e krijuara nuk e kanë fokusin e ngushtuar të veprimit. Ato janë pjesë e veprimit të një lufte të re, definimi i së cilës u paraqit si luftë hibride”.

Kusari tha se “është e gjatë lista e veprimeve të luftës hibride të Rusisë ndaj shteteve tjera me të”.

Subscribe në YouTube: GAZETA INFOKUSI

Të tjera

Fokusi

lajme