Kurti: Zotohemi për përkushtimin e Qeverisë për përmbushjen e të gjitha obligimeve për personat me aftësi të kufizuara
![](https://gazetainfokus.com/wp-content/uploads/2023/04/02.04.2023-ZKM-4-1536x1024-1-852x460.jpg)
Autori: Gazeta inFokus
14:48 | 02 April 2023
Kryeministri i Republikës së Kosovës, Albin Kurti, mori pjesë në dekorimin e Pemës pranë ndërtesës së Qeverisë, në shënim të Ditës Botërore të Autizmit, së bashku me përfaqësues të organizatave të Autizmit, prindër, pedagogë e fëmijë.
“Ne sot po e organizojmë dhe zotohemi për përkushtimin e Qeverisë së Republikës së Kosovës për përmbushjen e të gjitha obligimeve tona për mbrojtjen, për promovimin dhe jetësimin e të drejtave të njeriut në përgjithësi, e në veçanti për respektimin e të drejtave të personave me aftësi të kufizuara apo me nevoja të veçanta”, tha kryeministri Kurti.
Duke folur për përkushtimin e Qeverisë, kryeministri tha se në vitin 2022, janë punësuar 100 asistentë në shumicën e shkollave në vend për fëmijë me aftësi të kufizuara, ndërkaq këtë vit do të punësohen edhe 300 të tjerë përfshirë edhe pedagogët të cilët do të kujdesen për personat me autizëm, për fëmijët me autizëm.
Poashtu, kryeministri theksoi faktin se në vitin e kaluar kemi punësuar 239 persona me aftësi të kufizuara, 120 gra dhe 119 burra, përmes masës 1.6 të Pakos së Ringjalljes Ekonomike, se dhe dëshirojmë që këtë ta vazhdojmë edhe në vijim, duke inkurajuar të gjithë ndërmarrësit në sektorin privat që të punësojnë sa më shumë persona me aftësi të kufizuara.
Më tej, kryeministri potencoi se Qeveria ka ndërmarrë iniciativa ligjore në mbështetje të personave me aftësi të kufizuara sikurse ai për Ligjin për Edukimin në fëmijërinë e hershme, që pritet që shumë shpejt të aprovohet edhe në Kuvendin e Republikës, si dhe së fundmi edhe propozimin për amandamentimin e Kushtetutës së Kosovës, për përfshirjen e Konventës së të Drejtave të Personave me Aftësi të Kufizuara në nenin 22 të Kushtetutës së Republikës së Kosovës.
Ai falënderoi organizatat “Autizmi” dhe “Anak” për bashkëpunimin e deritanishëm me institucionet dhe për punën e tyre.
“Duhet të punojmë bashkërisht edhe si institucione dhe si shoqëri për krijimin e kushteve sa më të mira për personat me aftësi të kufizuara dhe në këtë mënyrë 2 prilli të mos jetë vetëm dita botërore e autizmit, por ta shndërrojmë në ditë të përditshme të angazhimit dhe të përkushtimit tonë për personat me autizëm që janë fëmijë të të gjithë neve e jo vetëm të familjeve të tyre”, tha kryeministri Kurti, para të pranishmëve në aktivitetin e sotëm në oborrin e Qeverisë.
Deklarimi i plotë i Kryeministrit Kurti:
Të nderuara organizata të Autizmit, përfaqësues të tyre, prindër, pedagogë e fëmijë, të gjithëve të cilët e keni gjetur kohën sot, që në 2 prill të bëhemi bashkë në Ditën Ndërkombëtare të Autizmit.
Ne sot po e organizojmë dhe zotohemi për përkushtimin e Qeverisë së Republikës së Kosovës për përmbushjen e të gjitha obligimeve tona për mbrojtjen, për promovimin dhe jetësimin e të drejtave të njeriut në përgjithësi, e në veçanti për respektimin e të drejtave të personave me aftësi të kufizuara apo me nevoja të veçanta.
Në vitin 2022, i patëm punësuar 100 asistentë në shumicën e shkollave në vend për fëmijë me aftësi të kufizuara, ndërkaq këtë vit do të punësohen edhe 300 të tjerë përfshirë edhe pedagogët të cilët do të kujdesen për personat me autizëm, për fëmijët me autizëm.
Me këtë rast do të kisha theksuar dy organizata të cilët po e bëjmë bashkëpunimin dhe do ta vazhdojmë atë, është organizata “Autizmi” dhe ajo “Anak”.
Si Qeveri e kemi miratuar Ligjin për Edukimin në fëmijërinë e hershme, dhe kjo pritet që shumë shpejt të aprovohet edhe në Kuvendin e Republikës, ndërkaq, në një mbledhje të Qeverisë së fundmi i kemi propozuar Kuvendit të Republikës, amandamentimin e Kushtetutës së Kosovës, për përfshirjen e Konventës së të Drejtave të Personave me Aftësi të Kufizuara në nenin 22 të Kushtetutës së Republikës së Kosovës.
Në vitin e kaluar kemi punësuar 239 persona me aftësi të kufizuara, 120 gra dhe 119 burra, dhe ne dëshirojmë që këtë ta vazhdojmë edhe në vijim dhe inkurajojmë të gjithë ndërmarrësit në sektorin privat që të punësojnë sa më shumë persona me aftësi të kufizuara, sepse edhe Qeveria e ka masën 1.6, të mbështetjes së personave me aftësi të kufizuara me idenë që për 6 muaj paga e punëtorit që është me aftësi të kufizuara të subvencionohet me 270 euro në muaj.
Duhet të punojmë bashkërisht edhe si institucione dhe si shoqëri për krijimin e kushteve sa më të mira për personat me aftësi të kufizuara dhe në këtë mënyrë 2 prilli të mos jetë vetëm dita botërore e autizmit, por ta shndërrojmë në ditë të përditshme të angazhimit dhe të përkushtimit tonë për personat me autizëm që janë fëmijë të të gjithë neve e jo vetëm të familjeve të tyre.
Dashuria jonë për ta është e rëndësishme edhe për ta edhe për neve, dhe ju falënderoj edhe njëherë për rolin, kontributin, angazhimin që e bëni, për punën me durim me këta fëmijë të cilët ne ua kemi borxh përkushtimin tonë dhe gjithashtu ua kemi borxh edhe vëmendjen institucionale e shoqërore.
Faleminderit shumë të gjithëve!
![](https://gazetainfokus.com/wp-content/uploads/2024/03/Alan-Greenberg-UNI-NEW-03-e1709546819299-770x4001-1.jpg)
Të tjera
-
Si përfunduan predhat e LDB në rrugën Prishtinë -Podujevë, historiani e jep një version të mundshëm
Historiani Durim Abdullahu ka dhënë detaje mbi prejardhjen e tri bombave të l...
-
Kurti i shkon në shtëpi Rexhep Qosjes për ditëlindjen e 88-të: Vigan në fjalë e në pendë
Kryeministri Albin Kurti ka shkuar për vizitë në shtëpinë e akademik Rexhep Q...
-
Deputetja e LDK-së thotë se sipas ambasadave të huaja në Kosovë, 170 persona në ditë e lëshojnë vendin
Deputetja e Lidhjes Demokratike të Kosovës, Hykmete Bajrami, ka dhënë shifra ...
-
“Disa gjëra ndonëse të padëshirueshme duhet t’i pranojmë sepse janë compromise” – Kryeziu për Asociacionin
Ish-gjyqtari i Gjykatës Kushtetuese, Kadri Kryeziu në lidhje me takimin e nes...
-
LDK reagon pasi GjK e shpalli antikushtetues vendimin e shumicës për shkarkimin e anëtares së OSHP’së
LDK njofton se ka mirëpritur vendimin e Gjykatës Kushtetuese pasi u shpall an...
-
Qeveria i përgjigjet Stanos: Raportin për Banjskën e kemi dorëzuar në BE
Qeveria e Kosovës e sheh shqetësuese dhe të pakuptimtë faktin që edhe pas 9 m...
-
Rama: E vërteta doli në shesh, u konfirmuar se nuk kishte konflikt interesi në mes meje dhe pronarëve privat tek Liqeni i Badocit
Kryetari i Prishtinës, Përparim Rama ka njoftuar se ka marr konfirmimin se ës...
-
E konfirmon KEK-u: Burri i Fitore Pacollit u avancua në pozitë
Korporata Energjetike e Kosovës ka konfirmuar avancimin në detyrë të Ilir Dal...
-
Gjenden bomba 50kg të LDB gjatë punimeve në rrugën Prishtinë-Podujevë, largohen nga FSK dhe ekipi i Bondsteel
Tri bomba gjermane të tipit SC-50 të Luftës së Dytë Botërore janë gjetur sot ...
-
Histori emocionale; Hoxha Fatmir Latifi tregon se si Daut Haradinaj ia pagoi Haxhin plakut nga Dukagjini
Hoxha nga Mitrovica, Fatmir Latifi ka ndarë një histori emocionale të një bur...
-
Një ditë para takimit Kurti-Vuçiq, në Beograd shfaqen pllakata me foton e Millosheviqit dhe “Kosova është Serbi”
Në disa vende në Beograd sot janë shfaqur pllakata me Slobodan Millosheviqin,...
-
Për një muaj, mërgata dërgoi rreth 120 milionë euro në Kosovë
Banka Qendrore e Republikës së Kosovës sipas kalendarit të publikimeve ka pub...