Lajme

Kurti zbulon detaje të reja nga sulmi në veri: Terroristët e Banjskës kanë pasur plane për sulme në 37 pika

Autori: Gazeta inFokus 11:45 | 13 October 2023

Kryeministri i Kosovës, Albin Kurti, në një intervistë për gazetën franceze “Liberation” ka folur për sulmin e 24 shtatorit në Banjskë ku mbeti i vrarë polici kosovar, Afrim Bunjaku.

Kurti ka thënë se synimi i grupit të Banjskës ka qenë aneksimi i pjesës Veriore dhe e ka cilësuar akt agresioni të shtetit serb që ka shkelur sovranitetin dhe sigurinë kombëtare të Kosovës.

Kreu i Qeverisë ka thënë se vlera e armëve të kapura shkon më shumë se 5 milionë euro vlerë.

-Advertisement-

Ai ka zbuluar se sipas hartave që janë gjetur, grupi terrorist ka pasur plane për të sulmuar në 37 pika,

“Po sigurisht. Ky është një akt agresioni i Serbisë, i cili cenoi sovranitetin dhe sigurinë tonë kombëtare. Vlera e armëve dhe pajisjeve të sekuestruara arrin në më shumë se 5 milionë euro. Terroristët kishin harta dhe plane për të sulmuar në 37 pika“, ka thënë Kurti, raporton Express.

I pyetur nëse i beson Milan Radojçiqit që doli dhe mori përgjegjësinë për sulmin, Kurti ka thënë se “sigurisht nuk i beson”.

Etiketa:
Düsseldorf–Prishtinë, dy fluturime në ditë – rezervoni me PrishtinaTickets
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy