Lajme

Kurti “udhëton me tren”, provon rihapjen e linjës Hani i Elezit – Fushë Kosovë: Çast vendimtar për hekurudhën

Autori: Gazeta inFokus 16:10 | 04 November 2023

Sot është mbajtur ceremonia e përurimit të tuneleve 6 dhe 7 dhe rihapja e linjës hekurudhore Hani i Elezit – Fushë Kosovë.

Në këtë ceremoni morën pjesë kryeministri i vendit, Albin Kurti, ministrja e Ekonomisë Artane Rizvanolli dhe shumë figura tjera publike, të cilët udhëtuan për pak minuta me tren për të provuar rihapjen e linjës Hani i Elezit – Fushë Kosovë.

Kurti gjatë fjalës së tij u shpreh se sot është një çast vendimtar për hekurudhën.

-Advertisement-

“Sot po e shënojmë një çast vendimtar për hekurudhën në Kosovë. Sot po përurojmë rindërtimin e linjës 10 që bën lidhjen e Hanit të Elezit dhe Fushë Kosovës. Po hapim dy tunele, njëri me gjatësi 262 metra dhe tjetri me gjatësi 122 metra, që kanë qenë të shembur tërësisht”, tha ai.

Subscribe në YouTube: GAZETA INFOKUSI