Lajme

Kurti tregon se a do të dergojë FSK’në në veri të vendit

Autori: Gazeta inFokus 14:42 | 26 February 2020

Kryeministri i Kosovës, Albin Kurti, ka thënë sot para mediave se nuk po tentojnë që të dërgojnë FSK-në në veri të vendit, mirëpo ka kërkuar që të bëhet sqarim i marrëveshjes që ishte nënshkruar në vitin 2013

“Është ish-kryeministri ai që tha se nuk do të shkojë Forca e Sigurisë së Kosovës veri të Kosovës në një shkëmbim të letrave, e cila nuk u pat bërë publike për deputetët, mos harroni që në atë kohë unë kam qenë deputet dhe nuk kam qenë në dijeni për këtë”, thotë Kurti.

Ai shton se nuk duan që të marrin veprime, por të ruajnë marrëdhënie të mira me NATO-n dhe KFOR-in.

-Advertisement-

“Nuk është se do të marrim veprime, duam marrëdhënie të mira me NATO-n dhe KFOR-in por duam ta bëjmë publike për qytetarët se nuk ishte një marrëveshje po dy është në dorë të deputetëve të marrin hapa të tillë. Është obligim i imi që të njoftoj kryeparlamentaren, të parin e shtetit dhe kryeprokurorin e shtetit”, tha ai.

Subscribe në YouTube: GAZETA INFOKUSI

Të tjera

Fokusi

lajme