Lajme

Kurti: Thellësisht i pikëlluar me ndarjen nga jeta të Bujar Nishanit

Autori: Gazeta inFokus 17:23 | 28 May 2022

Kryeministri i Kosovës, Albin Kurti, është shprehur thellësisht i pikëlluar me vdekjen e ish presidentit Bujar Nishani.

Kurti ka thënë se Nishani do të kujtohet për kontributin e tij si ushtarak, pedagog e ministër, shkruan Gazeta Infokus.

Kryeministri kosovar po ashtu ka thënë se Nishani ishte ai që u angazhua në intensifikimin e marrëdhënieve vëllazërore mes Shqipërisë e Kosovës.
“Jam thellësisht i pikëlluar nga lajmi për ndarjen nga jeta të ish Presidentit të Republikës së Shqipërisë, Bujar Nishani.

-Advertisement-

Do të kujtohet për kontributin e tij në karrierën profesionale si ushtarak e pedagog, deputet e ministër.

Gjatë mandatit të tij si President i Republikës së Shqipërisë, me maturi e urtësi politike punoi për shtetin modern shqiptar.

Me vetëdije të lartë kombëtare u angazhua në intensifikimin e marrëdhënieve vëllazërore mes Shqipërisë e Kosovës, dha mbështetje të pakursyer për Republikën e Kosovës dhe bashkatdhetarët tonë kudo.

I jam mirënjohës për dhënien e shtetësisë shqiptare gjatë mandatit të tij.

Në këto ditë të vështira për familjen, në emër të Qeverisë së Republikës së Kosovës dhe në emrin tim, u shpreh ngushëllimet më të sinqerta zonjës Odeta për humbjen e bashkëshortit, Ersit dhe Fionës për babain, dhe mbarë kombit shqiptar për Presidentin e shtetit tonë amë”, ka shkruar Kurti në Facebook./Gazeta Infokus/

Subscribe në YouTube: GAZETA INFOKUSI

Të tjera

Fokusi

lajme