Lajme

Kurti takon specializantët e mjekësisë të Luginës, u premton mbështetje

Autori: Gazeta inFokus 15:05 | 08 Dhjetor 2023

Kryeministri i Kosovës, Albin Kurti ka pritur në takim një grup të kandidatëve shqiptarë nga Lugina e Preshevës, që po i kryejnë specializimet mjekësore në Kosovë. Në këtë takim ku ishte i pranishëm edhe zëvendëskryeministri Besnik Bislimi dhe ministri i Shëndetësisë, Arben Vitia , Kurti iu premtoi edhe më tej mbështetje shqiptarëve që jetojnë në Preshevë, Bujanoc e Medevgjë.

Lajmin për këtë takim e ka shpërndarë në rrjetin social Facebook, Ardita Sinani, ish-kryetare e Preshevës dhe tani këshilltare e kryeministrit Kurti.

“Në takim u shpreh mbështetja për shqiptarët e Luginës së Preshevës, duke theksuar se jemi duke trajtuar me seriozitet kërkesat dhe nevojat e shqiptarëve që ballafaqohen me diskriminimin shtetëror e sistematik në Serbi”, ka deklaruar Sinani.

-Advertisement-

E specializantët, sipas saj, shfaqën mirënjohjen e tyre për adresimin e shkollimit specialistik dhe përkrahjen e vazhdueshme të dhënë nga Qeveria.

“Në vitin 2022, për herë të parë një Qeveri e Republikës së Kosovës ndau linjë të veçantë buxhetore për Preshevën, Medvegjën dhe Bujanocin. Për vitin e ardhshëm, buxheti për Luginën e Preshevës është paraparë të jetë tre milionë euro, një milionë më shumë sesa ishte sivjet”, ka deklaruar Sinani.

Kujtojmë se për këtë viti, Qeveria e Kosovës ndau 2 milionë euro për Luginën e Preshevës, ndërsa për vitin 2024, buxheti ka shkuar në 3 milionë euro. Ky buxhet është konsideruar tepër me vlerë nga liderët politikë e institucionalë në Luginë, pasi dy komunat që qeverisen nga shqiptarët, Presheva e Bujanoci, diskriminohen në vijimësi nga Beogradi, i cili ndanë buxhet për mbijetesë.

Etiketa:
Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy