Lajme

Kurti takohet me rektorin e UP-së, flasin për ndryshimet në statutin e ri të universitetit

Autori: Gazeta inFokus 19:47 | 07 February 2024

Kryeministri Albin Kurti ka pritur të mërkurën në takim rektorin e Universitetit të Prishtinës “Hasan Prishtina”, Qerim Qerimi, bashkë me ministren e Arsimit, Shkencës, Teknologjisë dhe Inovacionit, Arbërie Nagavci, me të cilët ka diskutuar lidhur me draftstatutin e ri për Universitetin.

Në njoftimin e lëshuar nga Zyra e Kryeministrit, thuhet se rektori Qerimi e ka njoftuar Kurtin se draftstatuti i ri për UP-në synon të sjellë ndryshime të nevojshme në ngritjen e standardeve të institucionit në tërësi, jo vetëm në vend por edhe më gjerë.

“Ndryshimi i këtij statuti, i cili tani është për shqyrtim dhe miratim në Kuvendin e Republikës së Kosovës, vjen pas plot 11 vitesh. Rektori Qerimi e falënderoi Kryeministrin Kurti për ndihmën që Qeveria ka dhënë përmes skemës së bursave në fushat e shkencës, teknologjisë, inxhinierisë dhe matematikës, STEM, për vajza, e të cilat ai i cilësoi si investim i kthyeshëm për vendin”, thuhet në njoftim.

-Advertisement-

Kurti më tej e ka falënderuar rektorin për “kontributin e tij drejt përmirësimit të cilësisë në arsimin e lartë”, duke i shprehur përkrahjen e plotë të Qeverisë drejt avancimit dhe fuqizimit të Universitetit të Prishtinës.

Subscribe në YouTube: GAZETA INFOKUSI
Etiketa:
Përsëri në shkollë me Viva Fresh Store!  
-Advertisement-

Të tjera

Fokusi

lajme