Kurti takohet me ministren e Jashtme japoneze, flasin për dialogun e mundësinë e investimeve
![](https://gazetainfokus.com/wp-content/uploads/2024/07/Kryeministri-i-vendit-Albin-Kurti-me-ministren-e-Puneve-te-Jashtme-te-Japonise-Yoko-Kamikawa-852x460.jpg)
Autori: Gazeta inFokus
20:37 | 19 July 2024
Kryeministri i Republikës së Kosovës, Albin Kurti, mirëpriti ministren e Punëve të Jashtme të Japonisë, Yoko Kamikawa, e cila po viziton për herë të parë shtetin tonë, vizitë kjo që po zhvillohet në 15-vjetorin e vendosjes së marrëdhënieve diplomatike të Republikës së Kosovës dhe Japonisë.
Kryeministri i vendit, Albin Kurti, e ka pritur në takim ministren e Punëve të Jashtme të Japonisë, Yoko Kamikawa, me të cilën folën për mënyrat se si mund të thellohen dhe forcohen marrëdhëniet mes të dyja vendeve.
Kamikawa tha se është e nderuar që është ministrja e parë e Punëve të Jashtme e Japonisë që po e viziton Kosovën, teksa i shprehu falënderime Kurtit për vizitën dhe pjesëmarrjen e tij në funeralin shtetëror në nderim të ish-kryeministrit japonez, Shinzo Abe.
“Ministrja Kamikawa theksoi se paqja dhe stabiliteti janë vendimtare për Evropën dhe se vizita e saj në rajon, fillimisht në Serbi, pastaj në Bosnje dhe Hercegovinë dhe tash në Kosovë është në këtë funksion”.
“Gjatë takimit bilateral ndërmjet dy delegacioneve, u diskutua rreth marrëdhënieve dypalëshe, projekteve të bashkëpunimit dhe asistimit dhe mundësive për investime të kompanive japoneze, veçanërisht në sektorin e energjisë së ripërtrishme dhe në infrastrukturën hekurudhore”, thuhet në njoftimin e kryeministrisë.
Më tej, bëhet e ditur se Kurti e Kamikawa folën edhe për çështje rajonale, përfshirë raportet me Serbinë dhe dialogun, ku Kurti tha pavarësisht se është arritur Marrëveshja Bazike, ajo që nga fillimi e në vazhdimësi është shkelur nga Serbia.
“Kryeministri Kurti dhe ministrja Kamikawa, gjithashtu diskutuan rreth çështjeve rajonale, përfshirë raportet me Serbinë dhe procesin e dialogut, në kuadër të së cilit kryeministri Kurti tha se është arritur Marrëveshja Bazike, por e cila nga fillimi dhe në vazhdimësi është shkelur në mënyrë të hapur nga Serbia. Gjithashtu, biseduan mbi rëndësinë e bashkëpunimit rajonal në garantimin e paqes dhe sigurisë, dhe në shërbim të zhvillimit dhe progresit të Ballkanit Perëndimor”, thuhet në njoftim.
![](https://gazetainfokus.com/wp-content/uploads/2023/12/414852708_7280633965309387_5391335122745764068_n-1130x635-1.jpg)
Të tjera
-
Zhduket një grua në Rahovicë të Ferizajt, publikohet fotografia
Një grua nga fshati Rahovicë e Ferizajt është zhdukur. Bëhet fjalë për Ham...
-
Deda: Kosovës kronikisht i mungon vizioni përparimtar për ndryshim dhe mirëqenie
Opinionisti Ilir Deda, thotë se Kosovës kronikisht i mungon vizioni përparimt...
-
BE-ja shpreh keqardhje që Mongolia s’e arrestoi Putinin
Bashkimi Evropian (BE) e ka kritikuar Mongolinë të martën për dështimin e saj...
-
Parashikimi i motit për të mërkurën
Për të mërkurën parashikohet të mbajë mot me diell dhe vranësira, të cilat gj...
-
Dështoi shkarkimi i tij, reagon Afrim Gashi: Ngadhënjeu arsyeja mbi paragjykimin dhe propagandën
Kryetari i Kuvendit të Maqedonisë së Veriut, Afrim Gashi, ka reaguar pasi ka ...
-
Dardan Sejdiu: Investimet e huaja direkte 91% janë në patundshmëri
Analisti politik, Dardan Sejdiu, duke folur për investimet e huaja direkte në...
-
Arrestimi i Liridon Rexhepit nën dyshimin se punoi për Mossad, avokati Koci publikon deklaratën e familjes
Intelegjenca turke (MIT), ka arrestuar shtetasin kosovar, Liridon Rexhepi në...
-
Mehmet Loci: Në gishta i njoh ata që i kam rrahụr, pse po i përmendni vetëm emrat e shqiptarëve që kanë ushtruar dhụnë
Mehmet Loci nuk ka shprehur pendesë për veprimtarinë e tij e dhunën e ushtrua...
-
Selmanaj publikon fotografi të prindërve duke pritur për libra: Pasojat e mediokritetit në qeverisje
Driton Selmanaj, deputet i LDK-së, ka publikuar dy fotografi, ku shihen shumë...
-
Francezin “non-grata” në Kosovë, Vuçiqi e angazhon që t’i luftojë “rrenat” e mediave perëndimore për Serbinë
Arnaud Gouillon (Arno Gujon) është vetëm 38-vjeç, por ka qenë shumëçka gjatë ...
-
Avokati i Sali Sekiraqës: Dy familjet nuk kishin probleme të mëhershme
Naser Sopjani, avokat i Sali Sekiraqës, ka thënë se nuk ka pasur probleme mes...
-
Mehmet Loci: Në disa raste kam qenë i kamufluar si gazetar i Tanjugut
Mehmet Loci ka vazhduar të mohojë akuzat që i janë bërë atij për dhunën e ush...