Lajme

Kurti takohet me ish-deputeten e Parlamentit Evropian, Doris Pack

Autori: Gazeta inFokus 20:20 | 01 December 2022

Kryeministri i Republikës së Kosovës, priti sot në një takim miqësor miken e vendit tonë, ish-deputeten e Parlamentit Evropian nga radhët e CDU-së gjermane dhe ish-presidenten e Grave të EPP-së, Doris Pack.

Kryeministri Kurti dhe znj. Pack, që njihen tash e 25 vjet, folën për zhvillimet e fundit në vend, rajon dhe Evropë. Kryeministri Kurti e njoftoi Pack për prioritetet e Qeverisë, me theks investimet e huaja dhe planet për dorëzimin e aplikimit të Kosovës në Bashkimin Evropian gjatë këtij muaji. Ata diskutuan edhe për situatën gjeopolitike pas agresionit të Federatës Ruse ndaj Ukrainës.

Pack sot u nderua nga Kolegji AAB me çmimin Ndërkombëtar për Demokraci dhe Integrime. Duke e uruar atë për çmimin dhe falënderuar për kontributin e çmueshëm dhe të vazhdueshëm për popullin dhe vendin tonë, kryeministri Kurti tha se jeni gjithmonë të mirëseardhur në Kosovë.

-Advertisement-

Në takim, znj. Pack ishte e shoqëruar nga Behare Sahitaj, Rektori i Kolegjit AAB, Bujar Demjaha dhe Prorektorja për Bashkëpunim, Venera Llunji.

Subscribe në YouTube: GAZETA INFOKUSI
MYZHDE për krejt!

Të tjera