Lajme

Kurti sot u takua me AAK-në për Vetingun

Autori: Gazeta inFokus 11:43 | 30 June 2022

Ish-ministri i Drejtësisë nga Aleanca për Ardhmërinë e Kosovës, Selim Selimi, është takuar sot me kryeministrin Albin Kurti, ku ka dhënë mbështetjen e partisë së tij për vetingun.

Kështu ka bërë të ditur përmes një komunikate zëdhënësi i AAK-së, Lulëzim Blaka.

“Sidoqoftë, AAK nuk ka besim që procesi të ketë sukses pa koncensus të plotë të brendshëm politik, pa përfshirjen e KGJK dhe KPK, pa mbështetjen e ShBA dhe BE dhe pa përfilljen në përpikmëri të qëndrimeve të Komisionit të Venedikut”, ka thënë ai.

-Advertisement-

Ndryshe Kurti dje është takuar në Kuvendin Kosovës edhe me kryetarin e Partisë Demokratike të Kosovës, Memli Krasniqi.

“Së bashku me ministren e Drejtësisë, Albulena Haxhiu dhe zëvendësministren Nita Shala, Kurti foli për hapat e mëtejmë lidhur me këtë proces dhe rëndësinë e koordinimit të përbashkët”, u tha në njoftimin e Kryeministrisë.

Derisa Kurti i ka bërë ftesë edhe Lidhjes Demokratike të Kosovës, por të njëjtit kanë deklaruar se do të japin kontributin e tyre në Kuvendin e Kosovës.

Subscribe në YouTube: GAZETA INFOKUSI