Lajme

Kurti: Si Qeveri nuk kemi paguar asnjë euro për energjinë e shpenzuar në veri

Autori: Gazeta inFokus 12:05 | 25 November 2021

Deputetja e AAK-së, Time Kadrijaj i është drejtuar kryeministrit Albin Kurti duke e pyetur se edhe për sa kohë do të vazhdohet të paguhet rryma në veri të vendit.

Kryeministri Kurti i është përgjigjur duke i thënë se nuk kanë paguar asnjë euro për energjinë e shpenzuar në veri.

“Në pyetjen tuaj keni deklaruar se Qeveria e Kosovës ka paguar 6 milionë euro për energjinë e shpenzuar në veri në kohë fushate, kjo është e pasaktë, Qeveria e Kosovës nuk ka paguar asnjë euro për energjinë e shpenzuar në veri”, deklaroi Kurti.

Tutje, ai tha se Qeveria po punon në plotësimin e rekomandimit të fundit të Kuvendit për këtë çështje.

“Ndërmarrja publike KOSTT-i ka vazhduar që të mbulojë devijimet e energjisë elektrike në këto katër komuna. Qeveria e Kosovës është duke punuar intensivisht për të plotësuar rekomandimin e fundit të Kuvendit për këtë çështje”, u shpreh Kurti. /Gazeta Infokus/

Të tjera