Lajme

Kurti shkon për ngushëllime te familja e poetit Adem Gashi

Autori: Gazeta inFokus 16:05 | 19 Janar 2024

Kryeministri i Kosovës Albin Kurti pas disa ditësh qëndrimi në Zvicër ku ka marrë pjesë në Forumin Ekonomik të Davosit.

Sic njofton Zyra e Kryeministrit, Kurti ka shkuar për ngushëllime në Nekoc te familja e poetit të njohur, Adem Gashi, i cili u nda nga jeta të martën e 16 janarit.

Kurti e ka quajtur poetin e ndjerë “mik i popullit shqiptar, i vuajtjeve të shoqërisë tonë, i Kosovës së tij e tonë të dashur, dhe rrjedhimisht i secilit prej neve”.

-Advertisement-

“Vepra e tij, për ne dhe kujtimet tona për të janë gjurmë të thella që bëjnë dritë. Mendja e mprehtë, puna e zellshme, atdhedashuria e paepur dhe miqësia e përhershme e shkrimtarit Adem Gashi, janë kontribut fort i çmueshëm për kombin dhe shoqërinë tonë”, ka shkruar kështu Kryeministri në librin e zisë, gjatë vizitës së tij tek familja Gashi.

“Jemi borxhli, përgjegjës, që kontributin e tij ta vazhdojmë me sjelljen dhe veprimet tona të përgjegjshme në kuadër të idealeve të përbashkëta” ka shkruar tutje kryeministri Kurti.

Në këtë vizitë për ngushëllime, bashkë me kryeministrin Kurti ishin edhe deputetët e Kuvendit, Avni Dehari, Enver Dugolli, Shqipe Selimi, Gani Krasniqi dhe Hydajet Hyseni.

Prononcimi i plotë i Kurtit gjatë vizitës në familjen Gashi:

Erdhëm për ngushëllime këtu, sepse Adem Gashi ka qenë mik i popullit shqiptar, i vuajtjeve të shoqërisë tonë, i Kosovës së tij e tonë të dashur, dhe rrjedhimisht i secilit prej neve.

Andaj, edhe me mall e me pikëllim erdhëm për ngushëllime duke theksuar që veprat e tij për ne dhe kujtimet tona për të janë gjurmë të thella, që do të bëjnë përherë dritë.

I lehtë i qoftë dheu i Kosovës, dhe jemi borxhli, përgjegjës, që kontributin e tij ta vazhdojmë me sjelljen dhe veprimet tona të përgjegjshme në kuadër të idealeve të përbashkëta.

Etiketa:
Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy