Lajme

Kurti: ShBA dhe BE aleatë të pakontestueshëm, i gatshëm të dëgjojë propozimet për zgjedhje të parakohshme

Autori: Gazeta inFokus 13:18 | 04 June 2023

Kryeministri i Kosovës, Albin Kurti në një intervistë dhënë për emisionin e mëngjesit në BBC Radio ka thënë se ShBA-ja, BE-ja dhe Mbretëria e Bashkuar mbeten aleatë të pakontestueshëm të Kosovës, shkruan Gazeta Online Reporteri.net.

Por, siç thotë kreu i Qeverisë pavarësisht kësaj “nuk mund t’i dorëzojmë Republikën tonë, milicisë fashishte”.

“Ne i konsiderojmë SHBA-të, BE-në, Britaninë e Madhe, aleatë dhe miq të pakontestueshëm, dhe u jemi shumë mirënjohës për lirinë dhe pavarësinë tonë dhe për zhvillimin e demokracisë. Gjithsesi ne nuk mund tua dorëzojmë Republikën tonë, policisë fashiste e cila paguhet nga autokratët në Beograd, i cili dikur ka qenë ministër i propagandës së Millosheviçit”, tha Kurti.

Kryeministri i vendit është pyetur edhe për mbajtjen e zgjedhjeve e parakohshme, Kurti ka thënë se është i gatshëm të dëgjojë propozimet për zgjedhje të parakohshme, por pasi të vendoset sundimi i ligjit në vend.

Lidhur me kërkesën për largimin e Policisë së Kosovës nga ndërtesat komunale, ka thënë se “mund të rishikojmë”.

“Ne mund të rishikojmë largimin e Policisë së Kosovës nga këto ndërtesa, por së pari bandat e dhunshme kriminale të cilat kanë sulmuar dhe plagosur gazetarët, policinë tonë dhe ushtarët e NATO-s, duhet të kthehen në Serbi ose në burg”, u shpreh Kurti.

E për këtë të fundit, ka folur sot edhe emisari amerikan, Gabriel Escobar i cili ka thënë se Kryeministri Kurti duhet të largojë kryetarët dhe Policinë e Kosovës nga objektet komunale në veri.

Tutje ai ka shtuar se gjithashtu duhet të nisin urgjent diskutimet për themelimin e Asociacionit.

“Kurti duhet t’i largojë kryetarët nga objektet komunale, duhet të largojë Policinë nga ndërtesat dhe pastaj urgjentisht të fillojnë diskutimet për punën e Asociacionit të komunave me shumicë serbe”, tha Escobar për “BBC Radio”.



Anëtarësohu në grupin e Infokus në Viber: GAZETA INFOKUS – VIBER – ANTARËSOHU

Dhe në grupin e Infokus në Facebook: GAZETA INFOKUS – FACEBOOK – ANTARËSOHU

Etiketa:
Refuzimi i ankesës për zhbllokimin e llogarive konfirmon procesin e udhëzuar qëllimisht dhe sulmin e organizuar ndaj klinikës “Zhan Mitrev”

Të tjera

Fokusi

lajme