Lajme

Kurti: Samiti Digjital, ngjarja më e madhe në rajon që derivon nga Procesi i Berlinit

Autori: Gazeta inFokus 12:19 | 21 September 2022

Kryeministri i vendit, Albin Kurti, gjatë Samitit Digjital të Ballkanit Perëndimor, ka thënë se kjo është ngjarja më e madhe e organizuar në rajon, e cila sipas tij, derivon nga Procesi i Berlinit.

Ai tha se Samiti Digjital i bën bashkë politikë-bërësit nga BE-ja, përfaqësuesit e institucioneve ndërkombëtare, ekspertët e teknologjisë së informacionit dhe komunikimit që t’i shkëmbejnë idetë e planet që kontribuojnë në tranzicionin digjital në Ballkanin Perëndimor.

“Edicioni i pestë po mbahet në Prishtinë dhe ne konfirmojmë gatishmërinë tonë për ta forcuar edhe bashkëpunimin rajonal por edhe digjitalizimin si një proces tejet i rëndësishëm për të gjitha fushat e jetës dhe veprimtarisë”, është shprehur Kurti.

-Advertisement-

Tutje, kreu i qeverisë bëri të ditur se në këtë samit po marrin pjesë më shumë se 200 biznese, ku do të ketë më shumë se 60 folës, mbi 30 OJQ në 9 panele e 16 ngjarje anësore.

“Diskutimet që do të jenë në kuadër të agjendës së përbashkët digjitale do të fokusohen tek infrastruktura digjitale siç janë fibrat optike dhe teknologjia 5G, pastaj aftësitë digjitale për një fuqi punëtore e cila është e edukuar për sfidat e ekonomisë në të ardhmen që gjithnjë e më shumë do të jetë e digjitalizuar”.

“Pastaj, siguria kibernetike e cila duhet të sjellë qëndrueshmëri kibernetike të institucioneve, të bizneseve e të shtetit në përgjithësi karshi sulmeve të ndryshme të mundshme”, është shprehur Kurti, njofton Klankosova.tv.

Gjithashtu, ai bëri të ditur se gjatë këtij samiti, do të ketë katër gara mes grupeve të të rinjve të të gjitha shteteve që përfshijnë robotikën, kodimin, lojërat kompjuterike e kështu me radhë.

 

Subscribe në YouTube: GAZETA INFOKUSI
Vetëm edhe 4 ditë nga Bootcamp me Alan Greenberg, ish-Drejtorin për Edukim në Apple, Apliko Tani
-Advertisement-

Të tjera

Fokusi

lajme