Lajme

Kurti reagon pasi Kuvendi miratoi buxhetin për vitin 2023: Më i larti ndonjëherë, por edhe më gjithëpërfshirësi

Autori: Gazeta inFokus 22:07 | 15 December 2022

Kryeministri i vendit Albin Kurti, ka reaguar pasi Kuvendi i Kosovës miratoi Buxhetin për vitin 2023, në vlerë 3.2 miliardë euro, shkruan Gazeta Infokus.

Ai përmes një postimi në “Facebook”, ka thënë se është buxheti më i lartë ndonjëherë, por edhe më gjithëpërfshirësi.

“Me 65 vota për, Kuvendi i Republikës së Kosovës e votoi Buxhetin për vitin 2023. 3.2 miliardë është buxheti i Republikës sonë për vitin e ardhshëm, e që është jo vetëm më i larti ndonjëherë, por edhe më gjithëpërfshirësi. Kjo nënkupton 3.2 miliardë euro për arsimin, shëndetësinë, ushtrinë, bujqësinë, ekonominë e kulturën. Mirëpo, mbi të gjitha nënkupton 3.2 miliardë euro për rininë, gratë e grupet e cenueshme të shoqërisë sonë.”, ka shkruar Kurti.

-Advertisement-

Tutje, ai ka sqaruar se ku do të shkojnë këto mjete.

“Rreth 300 milionë euro për investime në shëndetësi, që të ofrohen shërbime cilësore shëndetësore, si dhe 400 pozita me tepër për stafin shëndetësor. Rreth 280 milionë euro për arsim, për ndërtimin e çerdheve dhe infrastrukturës së avancuar arsimore, si dhe 743 pozita të reja për stafin arsimor.

“Mbi 300 milionë euro për sigurinë dhe ushtrinë, për investime në siguri e armatim modern, si dhe 300 pozita të reja për Policinë. Rreth 90 milionë euro për bujqësinë, për të vazhduar e për të rritur mbështetjen për fermerët tanë, që të sigurohet prodhimi vendor në këtë kohë krize, por edhe prodhimi vendor në afat të gjatë. Rreth 60 milionë euro për kulturën e sportin për aktivitete e infrastrukturë kulturore e sportive. Për të siguruar shërbime publike më të mira e mbrojtje të të drejtave të qytetarëve tanë, do të shtohen 240 pozita të reja për inspektoratet”, ka shkruar tutje Kurti./Gazeta Infokus/

Më poshtë gjeni postimin e tij të plotë:

Subscribe në YouTube: GAZETA INFOKUSI