Lajme

Kurti reagon pas shpërthimeve në veri: Doemos do të kemi më shumë polici të Kosovës atje

Autori: Gazeta inFokus 20:53 | 06 December 2022

Kryeministri i Kosovës, Albin Kurti ka reaguar pas shpërthimeve të veri të vendit, shkruan Gazeta Infokus.

I pari i qeverisë ka thënë se bandat kriminale kanë intensifikuar sulmet në veri ngase e kanë parasysh se po iu vjen fundi.

Derisa ka thënë pas këtyre zhvillimeve do të ketë më shumë polici në atë pjesë të vendit.

“Bandat kriminale kanë intensifikuar sulmet në veri të Kosovës. Ato e dinë se po ju vie fundi. Qeveria e Kosovës as s’bën pazare me to dhe as s’i duron ato. Bombat që hedhin, plumbat që shkrepin dhe maskat që vendosin janë pafuqia e tyre politike e popullore. Me këto krime e sulme të armatosura në veri të Ibrit, doemos do të kemi më shumë polici të Kosovës atje. Sepse do të ketë hetime e ndjekje të këtyre kriminelëve, që paguhen nga Serbia e dirigjohen nga presidenti i saj. Shkeljet e shumta të ligjit nuk do të falen kurse tendencat për destabilizim kriminal do të dështojnë. Në katër komunat në veri nuk është ndarja në serbë e shqiptarë, por në banda kriminale dhe qytetarë. Kërkoj nga të gjithë qytetarët e Kosovës që të mbështesin shtetin dhe policinë e Kosovës, të gjithë zyrtarët tanë që po mbrojnë kushtetutshmërinë dhe ligjshmërinë, republikën dhe demokracinë”, ka shkruar Kurti./Gazeta Infokus/

Ambasadori amerikan Hovenier vizitë në Devolli Corporation, lavdëron sukseset e Comoditas

Të tjera

Fokusi

lajme