Lajme

Kurti: Propozimi franko-gjerman ka shumë mangësi, marrëveshja finale mund të arrihet deri me 2024

Autori: Gazeta inFokus 16:39 | 15 November 2022

Kryeministri i Kosovës Albin Kurti në agjencinë e lajmeve austriake APA ka folur edhe për propozimin franko-gjerman për arritjen e  një marrëveshje në mes të Kosovës dhe Serbisë.

Kurti ka thënë se është një bazë e mirë për dialog pa hyrë në detaje të një propozimi të tillë.

Ai ka thënë se e mira e një propozimi të tillë është se bazohet në vlera dhe jo vetëm në zgjidhjen e problemeve siç ka qenë qasja e mëparshme.

-Advertisement-

Kreu i ekzekutivit megjithatë ka theksuar se propozimi franko-gjerman “ka shumë mangësi”, megjithatë shton se është një pikënisje e mirë

Ai tutje ka folur edhe për mundësinë e arritjes së një marrëveshje finale me Serbinë dhe është shprehur optimist se shanset janë shumë të mira që ajo të arrihet përgjatë administratës së Joe Biden dhe kancelarit Scholz në Berlin.

“Njohja reciproke nuk do të jetë e vetmja çështje, por ajo duhet të jetë pjesa qendrore”, ka deklaruar kryeministri Kurti.

Kurti tutje ka treguar synimin e Kosovës për të dorëzuar aplikimin për anëtarësim në BE kah fundi i vitit.

“Ne duam të tregojmë publikisht që duam të bashkohemi në BE”, ka thënë kryeministri Albin Kurti.

Subscribe në YouTube: GAZETA INFOKUSI
Coffee Show B2B në Zagreb nga Devolli Corporation
-Advertisement-

Të tjera

Fokusi

lajme