Kurti pret përfaqësuesit e kompanisë Kosmonte të cilëve u tha se Qeveria ua dha 25 hektarë për biznes
Autori: Gazeta inFokus 21:04 | 03 August 2022
Kurti sot priti në takim përfaqësues të kompanisë “Kosmonte Foods” nga Kosova dhe “Perutnina Ptuj Group” nga Sllovenia. Qeveria e Kosovës ia kishte ndarë kompanisë “Kosmonte Foods” 25 hektarë tokë, pronë e shtetit, në emër të investimeve që do të bëjë kompania në Kosovë.
Qeveria, me miratimin e pastajmë në Kuvend, shpalli një kompani vendore “investitor strategjik” dhe i dha 25 hektarë tokë. Në Kuvend ishte thënë se po jepej për 99 vjet. Madje, një kompanie për të cilën raportohet se kishte një kontest gjyqsor me ministrinë e Bujqësisë. Ndryshe prej “Sunny Hill”-it, ministritë u bënë bashkë që t’ia shtronin terrenin “Kosmonte”-s mirë. Më poshtë gjeni detaje nga ky rast.
Në shtator të vitit të kaluar, Qeveria e Kosovës kishte vendosur ta rekomandojë kompaninë ‘Kosmonte Foods’, si Investitor Strategjik. Ministra e Industrisë, Rozeta Hajdari, e kishte arsyetuar përzgjedhjen e kësaj kompanie, por në Kuvend nuk ishte shfaqur që të prezantonte vendimin.
Mes kundërshtimesh, vendimin e kishte miratuar edhe Kuvendi në shkurt.
Ndaj kompanisë në fjalë, Agjencia e Pyejeve kishte ngritur padi për mosrespektim të një kontrate të mëhershme që e kishin. Dhe, sipas një udhëzimi adminsitrativ, kompania që ka problem me ligjin nuk mund të rekomandohet si “Investitor Strategjik”. Edhe në Kuvend, përfaqësuesit e opozitës e kishin përmendur këtë kontest.
Për t’ia shtruar terrenin kompanisë, kishte informata, të cilat përmendeshin në Kuvend se Ministria e Bujqësisë që drejtohet nga Faton Peci e kishte tërhequr padinë nga gjykata.
Fillimisht nuk ishte e qartë, e më pas në media u raportua se bëhej fjalë për 25 hektarë në Fushë Kosovë, të dhënë në shfrytëzim, pa kompensim.
Procesi u pa si i kundërligjshëm nga opozita, duke u konsideruar se rasti është për Prokurori, dhe jo për ndarje tokash, për çka partia e Albin Kurtit u akuzua se favorizoi këtë kompani, që sipas tyre, ishte donator i Vetëvendosjes.
Për takimin që u mbajt në kryeministri, zyra e kryeministrit ka shpërndarë një komunikatë ku u dhanë detaje rreth asaj se cfarë u fol në takimin ku krah Kurtit ishin të pranishëm edhe ministrja e Industrisë, Ndërmarrësisë dhe Tregtisë, Rozeta Hajdari dhe shefi i stafit të Kryeministrit, Luan Dalipi.
“Kryeministri i Republikës së Kosovës, Albin Kurti, së bashku me ministren e Industrisë, Ndërmarrësisë dhe Tregtisë, Rozeta Hajdari dhe shefin e stafit të Kryeministrit, Luan Dalipi, takuan sot përfaqësuesit e kompanive “Kosmonte Foods” nga Kosova dhe “Perutnina Ptuj Group” nga Sllovenia, të cilat janë përkushtuar për investimin e ri në fushën e mbarështimit të shpezëve dhe prodhimit dhe përpunimit të produkteve të mishit të freskët të shpezëve”, thuhet në komunikatën e lëshuar.
Tutje tregohet se përfaqësuesit e kompanive i treguan Kurtit detaje se si do të investohet në Kosovë.
““Perutnina Ptuj Group” ka traditë 117 vjeçare në këtë sektor, punëson mbi 3,700 punëtorë në 7 shtete të ndryshme, ka mbi 500 bashkëpunëtorë të cilët rrisin zogj në mjediset e tyre natyrore, posedon 6 fabrika prodhimi dhe eksporton në 20 shtete në të gjithë botën. Ndërsa partneri i tyre për Kosovë, “Kosmonte Foods” me traditë 22 vjeçare, është gjithashtu përfaqësues i tyre për tregun e Shqipërisë, Gjermanisë, Dubait dhe Katarit. Drejtori Ekzekutiv i “Perutnina Ptuj Group”, Enver Sisic, prezantoi para kryeministrit Kurti dhe përfaqësuesve tjerë të Qeverisë së Republikës së Kosovës idenë e investimit me treguesit konkret”, vazhdon komunikata.
Kjo është komunikata e plotë:
Kryeministri i Republikës së Kosovës, Albin Kurti, së bashku me ministren e Industrisë, Ndërmarrësisë dhe Tregtisë, Rozeta Hajdari dhe shefin e stafit të Kryeministrit, Luan Dalipi, takuan sot përfaqësuesit e kompanive “Kosmonte Foods” nga Kosova dhe “Perutnina Ptuj Group” nga Sllovenia, të cilat janë përkushtuar për investimin e ri në fushën e mbarështimit të shpezëve dhe prodhimit dhe përpunimit të produkteve të mishit të freskët të shpezëve.
“Perutnina Ptuj Group” ka traditë 117 vjeçare në këtë sektor, punëson mbi 3,700 punëtorë në 7 shtete të ndryshme, ka mbi 500 bashkëpunëtorë të cilët rrisin zogj në mjediset e tyre natyrore, posedon 6 fabrika prodhimi dhe eksporton në 20 shtete në të gjithë botën. Ndërsa partneri i tyre për Kosovë, “Kosmonte Foods” me traditë 22 vjeçare, është gjithashtu përfaqësues i tyre për tregun e Shqipërisë, Gjermanisë, Dubait dhe Katarit.
Drejtori Ekzekutiv i “Perutnina Ptuj Group”, Enver Sisic, prezantoi para kryeministrit Kurti dhe përfaqësuesve tjerë të Qeverisë së Republikës së Kosovës idenë e investimit me treguesit konkret.
Kryeministri Kurti e mirëpriti shprehjen e interesimit të partnerëve nga Sllovenia dhe Kosova për të investuar në Kosovë dhe i siguroi investitorët që Qeveria e Republikës së Kosovës është duke u angazhuar maksimalisht që të lehtësojë ambientin e të bërit biznes dhe të investuarit në Kosovë. Kompanitë kredibile ndërkombëtare që sjellin njohuritë me fokus në cilësi, siguri dhe gjurmueshmëri, me rrjetet e tyre të shpërndarjes së produkteve nëpër botë, janë të mirëseardhura për të investuar në Kosovë, tha kryeministri Kurti.
Ndërkaq ministrja Hajdari i njoftoi përfaqësuesit e kompanive “Perutnina Ptuj Group” dhe “Kosmonte Foods” për përparësitë konkurruese për të investuar në Kosovë dhe u ofroi mbështetjen institucionale në realizimin e interesimit të shprehur për investim në vendin tonë.
Të tjera
-
Hamza e sfidon Kurtin për t’u përballur: Kur të don, i garantoj debat të edukuar
I nominuari për kryeministër nga PDK, Bedri Hamza i ka bërë ftesë kryeministr...
-
“Angazhim pas anëtarësimit për Kosovën”| Komiteti i KiE përmend çështjen e Asociacionit, ky është adresimi
Komiteti për Politikë dhe Demokraci i Këshillit të Evropës ka miratuar raport...
-
Liberalizimin e vizave e Këshillin i Evropës, Kurti i cilëson si suksese të qeverisjes së tij
Kryeministri i Kosovës, Albin Kurti e ka lavdëruar qeverisjen e tij për sukse...
-
Nesër Kosova dhe Mali i Zi nënshkruajnë marrëveshje për bashkëpunim ndërkufitar
Nesër nga ora 13:30 Kosova dhe Mali i zi do të nënshkruajnë marrëveshje për P...
-
Ky është polici i suspenduar në Gjakovë, dyshohet se kontrabandoi mallra me veturë private
Inspektorati Policor i Kosovës ka njoftuar sot se ka suspenduar një zyrtar po...
-
Hamza kritikon Kurtin: Qeveria e tij ende s’e preu asnjë shirit të investimeve kapitale
Kandidati për kryeministër nga radhët e Partisë Demokratike të Kosovës, Bedri...
-
PDK i kthen në Kryesi deputetët dhe kryetarët e komunave, vend të rëndësishëm i jep edhe aderimit më të ri
Partia Demokratike e Kosovës e ka marrë shumë seriozisht mobilizimin për zgje...
-
Nënkryetarja e PE-së: Sanksionimi vetëm i Kosovës në mosmarrëveshjen me Serbinë, sinjal kontradiktor nga KE-ja
Zgjedhjet evropiane të vitit 2024 do të përcaktojnë kursin për një sërë gjëra...
-
Lladrovci për Hamzën: Kandidaturë e kompletuar, gëzon respektin e përkrahjen edhe nga aleatët tanë historikë
Kryetari i komunës së Drenasit, Ramiz Lladrovci, ka postuar fjalimin që ai ka...
-
Frashër Krasniqi i shkon në tavolinë Mujës të VV’së: A po ju vjen marre që e pranuat “Zajednicën”, për KiE
Aktivisti i Partisë Socialdemokrate (PSD) Frashër Krasniqi, i ka shkuar në ta...
-
Abdixhiku e rikthen fjalimin në Kuvend – akuza Qeverisë për “tenderët sekretë”
Kryetari i Lidhjes Demokratike të Kosovës (LDK), ka folur në Kuvend të Kosovë...
-
Aksioni mbi kontrollin e transportuesve të udhëtarëve, shqiptohen dhjetëra gjoba – konfiskohen targa e vetura
Inspektorati i Kryeqytetit njofton se po vazhdon aksionin e kontrollit të tra...