Lajme

Kurti pret në takim kreun e ri të KKSh-së, flasin për Luginën

Autori: Gazeta inFokus 19:13 | 13 July 2023

Kryeministri i Kosovës, Albin Kurti, ka mirëpritur në kryeministri Kryetarin e ri të Këshillit Kombëtar Shqiptar në Serbi, Nevzad Lutfiun bashkë me Alban Alilin nga ky Këshill, i shoqëruar nga Këshilltarja Politike për Preshevë, Medvegjë dhe Bujanoc, Ardita Sinani.

Ai fillimisht e ka uruar për detyrën e re. Kryeministri Kurti ka thënë se është interesuar për bashkëpunim të afërt dhe ka ofruar ndihmën e tij, raporton Klan Kosova.

“Në takim, ata folën për shqetësimet e shqiptarëve në Preshevë, Medvegjë dhe Bujanoc, diskriminimin sistematik që i bëhet atyre nga Qeveria e Serbisë, sidomos në fushën e arsimit dhe shëndetësisë, dhe për nevojat e të rinjve shqiptarë në këto komuna”, thuhet në njoftimin nga Zyra e Kryeministrit.

-Advertisement-

Kurti e ka konfirmuar se mbështetja e Qeverisë së Kosovës për ta dhe Këshillin Kombëtar Shqiptar do të vazhdojë.

Subscribe në YouTube: GAZETA INFOKUSI
Etiketa:
Rakinica e Skenderajt bëhet me rrjet të ri elektrik
-Advertisement-

Të tjera

Fokusi

lajme