Kurti pret delegacionin nga shteti i Iowa-s, vlerësohet bashkëpunimi ushtarak
![](https://gazetainfokus.com/wp-content/uploads/2022/07/albin-ajova-780x439-1.jpg)
Autori: Gazeta inFokus
15:38 | 04 July 2022
Kryeministri i Republikës së Kosovës, Albin Kurti, priti në takim delegacionin nga shteti i Iowa-s që po qëndron në Kosovë, i përbërë nga profesionistë të fushave të ndryshme, ushtarakë, akademikë e gazetarë.
Kjo është bërë e ditur përmes një njoftimi nga zyra e kryeministrit.
“Kryeministri Kurti shprehu mirënjohjen për partneritetin e fortë dhe marrëdhënien speciale ndërmjet Republikës së Kosovës dhe shtetit të Iowa-s. Ai i falënderoi për mikpritjen gjatë vizitës zyrtare atje. U theksua potenciali për rritje të bashkëpunimit dhe u bisedua për krijimin e mundësive të reja për rritjen e investimeve në sektorin e energjisë, ekonomi, tregti dhe teknologji të informacionit, si dhe për promovimin e vlerave të përbashkëta. U vlerësua bashkëpunimi i deritanishëm ushtarak dhe ai në fushën civile, ndërsa u veçua bashkëpunimi ndërmjet universiteteve të të dyja vendeve”, thuhet në njoftim.
Po ashtu në këtë njoftim thuhet se në emër të delegacionit të Iowa-s, ish gjenerali Orr u falënderua për mbështetjen e vazhdueshme të Qeverisë së Republikës së Kosovës për këtë partneritet.
“Në takimin e përbashkët me Zëvendësministren e Punëve të Jashtme dhe Diasporës, Liza Gashi, dhe shefin e Misionit në Konsullatën e Iowa-s, Artan Duraku, u theksua gatishmëria e Qeverisë së Republikës së Kosovës për të zgjeruar bashkëpunimin dhe forcuar partneritetin, në të gjitha fushat zhvillimore”, thuhet tutje në njoftim.
Edhe zëvendëskryeministrja, njëherësh ministrja e Punëve të Jashtme dhe Diasporës, Donika Gërvalla Schwarz, së bashku me Zëvendësministren, Liza Gashi, kanë pritur sot në takim delegacionin nga shteti i Iowa-së.
Zëvendëskryeministrja, duke i falënderuar ata për vizitën, ka thënë se miqësia dhe lidhja e ngushtë me shtetin e Iowa-së, është shumë e rëndësishme dhe e çmuar për Republikën e Kosovës.
Gërvalla, ka thënë se kjo vizitë gjithashtu shërben për forcimin edhe më tej të lidhjes mes dy shteteve, dhe është një mundësi e mirë për të mësuar nga njëra tjetra, dhe për të shkëmbyer përvoja të ndryshme.
Delegacionin prej 40 personash, përfshirë gazetarë, aktivistë të shoqërisë civile dhe të tjerë, e përshëndeti me një fjalë rasti edhe zëvendësministrja e Punëve të Jashtme dhe Diasporës, Liza Gashi.
Ajo ka thënë se Republika e Kosovës është shumë e interesuar për të thelluar bashkëpunimin me shtetin e Iowas, dhe se po punojnë në këtë drejtim së bashku me Iowa Sister State.
Përfaqësues të këtij delegacioni, e kanë falënderuar ministren Gërvalla për pritjen, duke thënë se ata janë të lumtur që kanë miq kaq të mirë në Kosovë, dhe se shteti i Kosovës, është dhe do mbetet përherë një vend mik për ta.
Të dyja palët kanë shkëmbyer dhurata në shenjë falënderimi e miqësie.
![](https://gazetainfokus.com/wp-content/uploads/2024/06/Screenshot_1-1.jpg)
Të tjera
-
Kuvendi shpall tender 300 mijë euro për 600 bileta avionësh
Kuvendi i Kosovës ka shpallur një tender prej hiç më pakë se 300 mijë euro pë...
-
Në Kosovë fillon të jepet terapia për parandalimin e infeksionit nga virusi HIV
Nga kjo javë, në Kosovë ka nisur të jepet terapia për parandalimin e infeksio...
-
AUV: Thẻrja e kurbaneve të bëhet vetëm në thertore të licencuara, ndryshe do të ndëshkohen
Agjencia e Ushqimit dhe Veterinarisë ka bërë thirrje që therja e kurbaneve me...
-
Tetë persona dënohen me mbi 28 vjet burgim për hedhje të grḁnatave në lokalin e frizerit “Riza”
Gjykata Themelorë në Prishtinë i ka shpallur fajtorë të akuzuarit Bekë Saliha...
-
BBC: Granatat nga Serbia përdoren nga një formacion brutal paraushtarak në Sudan
Irani dhe Emiratet e Bashkuara Arabe (EBA) janë akuzuar për shkelje të një em...
-
SBAShK-u i çon në det 440 anëtarë të saj
Sindikata e Bashkuar e Arsimit ka njoftuar se 440 anëtarë të kësaj sindikate ...
-
Haxhiu e Sveçla vizitojnë policinë, ritheksohet zotimi që të kërkohet drejtësi për kr*met e luftës
Ministrja e Drejtësisë, Albulena Haxhiu dhe ministri i Punëve të Brendshme, X...
-
Dialogu Kosovë-Serbi, ambasadori Bajrami: Pa njohje reciproke, s’mund të ketë normalizim
“Pa njohje reciproke, nuk mund të ketë normalizim”, kështu ka thënë ambasador...
-
“Elitarët” e Policisë së Kosovës dhurojnë gjak në Prishtinë
Në Prishtinë është duke u mbajtur një aktivitet për dhurimin e gjakut. Ati...
-
Dita e Flamurit të ShBA-së, uron Haradinaj: Urime Amerikë!
Sot, Shtetet e Bashkuara të Amerikës shënojnë Ditën e Flamurit, duke përkujtu...
-
Kurti mori pjesë në pritjen lamtumirëse të shefit të Zyrës Ndërlidhëse të Sllovakisë
Kryeministri i Kosovës, Albin Kurti, mori pjesë mbrëmë në pritjen lamtumirëse...
-
Biden “humbet” sërish! Meloni nxiton për ta ndihmuar, e çon pranë liderëve të tjerë për të bërë foto
Presidenti 81-vjeçar i SHBA-ve, Joe Biden, u pa duke u larguar gjatë një ...