Kurti pret delegacionin nga shteti i Iowa-s, vlerësohet bashkëpunimi ushtarak
![](https://gazetainfokus.com/wp-content/uploads/2022/07/albin-ajova-780x439-1.jpg)
Autori: Gazeta inFokus
15:38 | 04 July 2022
Kryeministri i Republikës së Kosovës, Albin Kurti, priti në takim delegacionin nga shteti i Iowa-s që po qëndron në Kosovë, i përbërë nga profesionistë të fushave të ndryshme, ushtarakë, akademikë e gazetarë.
Kjo është bërë e ditur përmes një njoftimi nga zyra e kryeministrit.
“Kryeministri Kurti shprehu mirënjohjen për partneritetin e fortë dhe marrëdhënien speciale ndërmjet Republikës së Kosovës dhe shtetit të Iowa-s. Ai i falënderoi për mikpritjen gjatë vizitës zyrtare atje. U theksua potenciali për rritje të bashkëpunimit dhe u bisedua për krijimin e mundësive të reja për rritjen e investimeve në sektorin e energjisë, ekonomi, tregti dhe teknologji të informacionit, si dhe për promovimin e vlerave të përbashkëta. U vlerësua bashkëpunimi i deritanishëm ushtarak dhe ai në fushën civile, ndërsa u veçua bashkëpunimi ndërmjet universiteteve të të dyja vendeve”, thuhet në njoftim.
Po ashtu në këtë njoftim thuhet se në emër të delegacionit të Iowa-s, ish gjenerali Orr u falënderua për mbështetjen e vazhdueshme të Qeverisë së Republikës së Kosovës për këtë partneritet.
“Në takimin e përbashkët me Zëvendësministren e Punëve të Jashtme dhe Diasporës, Liza Gashi, dhe shefin e Misionit në Konsullatën e Iowa-s, Artan Duraku, u theksua gatishmëria e Qeverisë së Republikës së Kosovës për të zgjeruar bashkëpunimin dhe forcuar partneritetin, në të gjitha fushat zhvillimore”, thuhet tutje në njoftim.
Edhe zëvendëskryeministrja, njëherësh ministrja e Punëve të Jashtme dhe Diasporës, Donika Gërvalla Schwarz, së bashku me Zëvendësministren, Liza Gashi, kanë pritur sot në takim delegacionin nga shteti i Iowa-së.
Zëvendëskryeministrja, duke i falënderuar ata për vizitën, ka thënë se miqësia dhe lidhja e ngushtë me shtetin e Iowa-së, është shumë e rëndësishme dhe e çmuar për Republikën e Kosovës.
Gërvalla, ka thënë se kjo vizitë gjithashtu shërben për forcimin edhe më tej të lidhjes mes dy shteteve, dhe është një mundësi e mirë për të mësuar nga njëra tjetra, dhe për të shkëmbyer përvoja të ndryshme.
Delegacionin prej 40 personash, përfshirë gazetarë, aktivistë të shoqërisë civile dhe të tjerë, e përshëndeti me një fjalë rasti edhe zëvendësministrja e Punëve të Jashtme dhe Diasporës, Liza Gashi.
Ajo ka thënë se Republika e Kosovës është shumë e interesuar për të thelluar bashkëpunimin me shtetin e Iowas, dhe se po punojnë në këtë drejtim së bashku me Iowa Sister State.
Përfaqësues të këtij delegacioni, e kanë falënderuar ministren Gërvalla për pritjen, duke thënë se ata janë të lumtur që kanë miq kaq të mirë në Kosovë, dhe se shteti i Kosovës, është dhe do mbetet përherë një vend mik për ta.
Të dyja palët kanë shkëmbyer dhurata në shenjë falënderimi e miqësie.
![](https://gazetainfokus.com/wp-content/uploads/2024/02/prince-plodine1.jpg)
Të tjera
-
Futet në fuqi ligji për shtetësinë dhe dyshtetësinë
Në Gjermani futet më 27 qershor në fuqi ligji i ri për shtetësinë. Të huajt t...
-
Moti në Shqipëri, me kthjellime dhe vranësira, temperaturat me rënie
Në Shqipëri moti sot do të jetë me kthjellime dhe vranësira të pasuara nga re...
-
I nxehti përvëlues në Pakistan, morgjet nuk kanë më vënde
Dhjetëra njerëz kanë humbur jetën si pasojë e motit të nxehtë në Pakistan, gj...
-
Dështon grushti i shtetit në Bolivi! Tërhiqen forcat ushtarake
Automjete të blinduara thyen portën hyrëse të pallatit qeveritar të Bolivisë ...
-
Breshri i madh shkatërron kulturat bujqësore në disa pjesë të vendit
Stuhi të mëdha shiu përfshinë pasditen e djeshme pjesë të Kosovës. Reshjet...
-
CDC paralajmëron për rritjen e rrezikut të etheve të dengës në SHBA
Njerëzit në SHBA janë në një rrezik më të lartë për t’u prekur nga ethet e de...
-
Sot diplomojnë kadetët e FSK-së
Sot ushtrisë së Kosovës do t’i shtohen edhe një numër i ushtarëve. Nga ora...
-
Kuvendi sot mban seancë, në rend dite 32 pika
Kuvendi i Kosovës sot me fillim do ta mbajë seancën e radhës plenare. Sipa...
-
I arrestuari për spiunazh ishte pjesë e grupit terrorist që sulmuan zyrat e KQZ-së në veri
Prokuroria Speciale e Republikës së Kosovës dje arrestoi një të dyshuar për s...
-
Moti sot: Diell, vranësira, shi dhe shkarkime rrufesh – temperatura deri në 29 gradë Celsius
Sot mbi Kosovë do të mbajë mot me diell dhe vranësira të dendura. Sipas In...
-
Të shtëna me armë zjarri në Siqevë të Prishtinës, qëllohet një veturë nga dy anët e rrugës
Të shtëna me armë zjarri janë dëgjuar sonte në fshatin Siqevë të Prishtinës. ...
-
Tri ligjet për të cilat reaguan Ambasadori gjerman dhe Zyra e BE’së nesër në Kuvend
Zyra e Bashkimit Evropian në Kosovë ka thënë se është për keqardhje që nuk ja...