Kryeministri i Kosovës, Albin Kurti, ka deklaruar se do ta pres vizitën e shefit të Zyrës Ndërlidhëse të Republikës së Kosovës në Beograd, Jetish Jasharit, te tre policët Kosovës, të cilët janë kidnapuar nga forcat serbe, e tash po mbahen në Kralevë, si të paraburgosur.

Ai tha se pas të dhënave nga kjo vizitë, do të vendos se a do të shkoj në Bruksel në dialog apo jo.

“Kam kërkuar takim për javën që shkoj, më patën thënë se duhet të deeskalohet gjendja, pastaj u kidnapuan tre policët tanë. Eskalimi u shtua dhe vetëm më pas u njoftova për një takimit ë radhës, që sjam i sigurt që është menduar për datën 22 apo 23 qershor për shkak të mesazheve të ndryshme. Dua të pres vizitën e ambasadorit Jetish Jasharit, në burg në Kralevë, kur t’i kem të dhënat nga kjo vizitë e tre policëve që po mbahen peng, po mbahen rob në serbi si hakmarrje, do ta marr vendimin “, ka thënë ai, përcjell Dukagjini.

-Advertisement-

Ai bëri të ditur se Jashari, do t’i vizitojë nesër tre policët e Kosovës, të cilët sipas tij po mbahen peng.

“Vizita është menduar për ditën e nesërme, unë do të jem në kontakt me ambasadorin tonë, për të kuptuar gjendjen e policëve po mbahen peng”, ka thënë ai.

Kurti bëri të ditur se për shtensionimin e situatës në veri, ka propozuar që gradualisht të zvogëlohet prania e njësisë speciale rreth objekteve komunale.

“Për shkak se ka ekstremistë të dhunshëm, duhet të ketë polici të Kosovës në këto ndërtesa. Kam kërkuar që gradualisht ta zovgëloj numrin e policëve, por me sundimin e ligjit që bën që policët të përballen me drejtësinë, këtë e kemi propozuar. Për Policinë çdo komunë është e njëjtë, veprimet bëhen duke u bazuar në kushtetutshmërisë”, tha ai.

Ndryshe, pothuajse të gjithë aleatët ndërkombëtarë kanë kërkuar nga Serbia, lirimin e menjëhershëm të tre policëve të Kosovës, të cilët i ka rrëmbyer brenda territorit të Kosovës.

Comodita Home rikthen “Garage Sale” për edicionin e tetë, me zbritje deri në 70%

Sponsoruar

-Advertisement-