Lajme

Kurti për mungesën e Vuçiqit në Berlin: S’na mungoi, ndoshta ndokujt por jo mua

Autori: Gazeta inFokus 14:37 | 03 November 2022

Kryeministri i Kosovës, Albin Kurti, i pyetur për mungesën e presidentit të Serbisë, Aleksandar Vuçiq, në Samitin e Berlinit, tha se “nuk e di pse s’ka ardhur dhe nuk është që na mungoi, ndoshta ndokujt, por sigurisht jo mua”.

“Nga secili folës dënohej agresioni rus në Ukrainë, dhe ka mundësi që për një situatë të tillë është frikësuar që të jetë i pranishëm ku qartazi do të ishte i vetmuar dhe andaj sakrifikoi dikë tjetër në vend se t’i dal detyrës dhe qëndrimit të shtetit ku është president”, pohoi Kurti

I pari i Qeverisë së Kosovës tha se sot bëhej fjalë për një samit në të cilin qartazi pothuajse secili folës dënonte agresionin rus në Ukrainë.

-Advertisement-

“Ka mundësi që për një situatë të tillë, është frikësuar të jetë i pranishëm ku qartazi do të ishte i vetmuar, andaj edhe siç ka vepruar jo-rrallë, ka sakrifikuar dikë tjetër në vend se t’i dalë në ballë detyrës e shtetit ku është president”, është shprehur Kurti, njofton Klankosova.tv.

Tutje, ai foli edhe për mundësinë e një takimi të ardhshëm në mes krerëve të Kosovës dhe Serbisë, teksa tha se ai është i gatshëm të takohet me Vuçiqin, kurdo që ka ftesë nga ndërmjetësit.

“Kur të na vijnë ftesat, i përgjigjemi dhe unë e mirëpres çfarëdo iniciative për të intensifikuar bisedimet për marrëveshje finale në mes Kosovës e Serbisë që vjen nga Pallati Elysee”.

“Gjithçka varet prej ndërmjetësve. Prej tyre varet koha e takimit, e sa më përket mua ata e dinë edhe gatishmërinë edhe interesimin”, është shprehur Kurti, njofton Klankosova.tv.

Subscribe në YouTube: GAZETA INFOKUSI
Comodita Home nis epokën e franshizës në Belgjikë
-Advertisement-

Të tjera

Fokusi

lajme