Lajme

Kurti pas takimit me Lajçakun: Nuk bisedova për arkiva e as për reciprocitet

Autori: Gazeta inFokus 14:08 | 17 September 2021

Kryeministri i Kosovës, Albin Kurti, ka deklaruar se gjatë takimit të mbajtur të enjten me emisarin special të BE-së për dialogun Kosovë-Serbi, Mirosllav Lajçak, nuk është folur për arkivat e as për reciprocitetin ndaj Serbisë, shkruan Gazeta Infokus.

“Nuk kemi biseduar tema të cilat nuk janë përmendur në komunikatë. Nuk ka pasur diçka të re që do të mund ta ndaja me juve si lajm. Nuk do të ketë takim para 6 tetorit, kur kemi samitin në Slloveni midis BE dhe 6 shteteve të Ballkanit Perëndimor. Nuk ka një datë të caktuar kur do të jetë takimi jonë i radhës.

Nuk kemi diskutuar fare për çështjen e arkivave. Kemi diskutuar për propozimet tona që i kemi dhënë për raportet me Serbinë dhe Ballkanin Perëndimor. Nuk e kemi diskutuar as çështjen e reciprocitetit, përveç kam theksuar se krerët e shteteve evropiane, kanë pranuar një letër nga unë për shkeljet që po i bën Serbia”, tha Kurti. /Gazeta Infokus/

-Advertisement-

Subscribe në YouTube: GAZETA INFOKUSI
Nis bashkëpunimi serioz dhe strategjik midis Comodita dhe JYSK International

Të tjera