Lajme

Kurti pas shpërthimit në Zubin Potok: Pesha e pasojave të këtij sulmi po ta arrinte qëllimin do të ishte marramendëse

Autori: Gazeta inFokus 18:01 | 01 December 2024

Kryeministri Albin Kurti ka folur edhe njëherë për sulmin që ndodhi në Varagë të Zubin Potukut, raporton Gazeta Sinjali.

“Për gjatë dy ditëve të fundit kemi marrë një sërë masash për të identifikuar dhe mbajtur përgjegjës kryesit e sulmit terrorist dhe kriminal dhe për të minimizuar dënimin në infrastrukturës e për të evidentuar dhe evituar çrregullimin e furnizimit me shërbimet bazë të qytetarëve të Kosovës”, tha Kurti para gazetarëve, transmeton Gazeta Sinjali.

Pjesë nga fjalimi i Kurtit:

-Advertisement-

Pesha e pasojave të këtij sulmi po ta arrinte qëllimin do të ishte marramendëse. Ky sulm do të sillte dëme të riparueshme, duke vënë në rrezik sigurinë kombëtare.

Ky sulm terrorist do të shkaktonte ndërprerje te energjisë elektrike, do të linte pa rrymë gjysmën e Kosovës dhe pa ngrohje një pjesë të Prishtinës.

Ndryshe, në mbrëmjen e 29 nëntorit, në fshatin Varagë të komunës së Zubin Potokut, në veri të vendit, ka ndodhur një shpërthim që ka dëmtuar kanalin e ujit të Ibër-Lepencit.

Nuk pati viktima, por kanali ka pësuar dëme, kurse banorë nga Mitrovica nuk kanë pasur ujë për gati 24 orë pas shpërthimit.

Pas riparimit të përkohshëm, furnizimi me ujë është rikthyer.

Kanali Ibër-Lepenc furnizon me ujë nga Liqeni i Ujmanit disa qytete të vendit, si dhe Korporatën Energjetike të Kosovës për ftohjen e termoelektranave të saj.

Subscribe në YouTube: GAZETA INFOKUSI
BKT Kosova vazhdon përkushtimin ndaj gjithëpërfshirjes duke dhuruar një furgon për të mbështetur fëmijët me nevoja të veçanta
-Advertisement-

Të tjera

Fokusi

lajme