Lajme

Kurti: Nuk po rri veç në Gjilan

Autori: Gazeta inFokus 15:52 | 13 October 2022

Kryeministri i Kosovës, Albin Kurti, ka thënë se nuk është e vërtetë se po rri veç në Gjilan.

Gjatë pjesëmarrjes së tij në ceremoninë e vendosjes së gurthemelit të çerdhes në fshatin Miresh të Komunës së Gjilanit, shefi i qeverisë ka theksuar se dje ishte në Pejë.

“Jemi në pritje të përfundimit të çerdhes në Prizren dhe në Suharekë deri në fund të vitit, sepse unë isha të hënën në Gjilan, erdha prapë sot, më vjen keq që nesër s’mund të vijë. Por dikush mund të mendoj se po rri vetëm në Gjilan, por nuk është e vërtetë. Dje isha në Pejë. Pra, edhe në Prizren e në Suharekë do të hapim çerdhe deri në fund të vitit, e në vazhdën e punimeve për ndërtimin dhe adaptimin e hapësirave, pritet të bëhen çerdhe edhe në Skenderaj, Obiliq, Pejë, Prishtinë, Junik, Gjakovë, Gjilan, Ferizaj, Shtime dhe Malishevë”, ka thënë kryeministri.

-Advertisement-