Lajme

Kurti: Njohjen de-facto e kemi, ajo çfarë nuk e kemi është Asociacionin në preambulë siç e ka dashur Serbia

Autori: Gazeta inFokus 20:40 | 29 March 2023

Kryeministri i Koosvës, Albin Kurti, ka thënë se Kosova e ka njohjen de-facto nga Serbia, gjë të cilën sipas tij e dëshmojnë edhe 4 nenet e para të planit evropian, shkruan Gazeta Infokus.

Në një intervistë për RTV Dukagjini, i pari i qeverisë ka thënë se ajo që nuk e kemi është Asociacioni preambulë ashtu siç e ka dashur Serbia.

Sipas Kurtit, “thesi me 39 marrëveshje” siç e quajti ai nuk do të ekzistonte nëse Kurti do të ishte kryeministër në vitin 2010.

“Pra njohjen de-facto e kemi, por ajo çfarë nuk e kemi është Asociacionin ne preambulë siç e ka dashur Serbia, Asociacionin në nenet e para siç e ka dashur Serbia dhe unë nuk kam lejuar që Asociacioni i komunave me shumicë serbe si një marrëveshje e trashëguar prej dy kryeministrave Thaçi e Mustafa nga vitit 2013 dhe 2015 të nxjerret jashtë prej atij thesi me 39 marrëveshje. Nuk kam çka i bëj atij thesi, ai thes nuk do të ekzistonte po të ishte bërë Kurti kryeministër në 2010”, ka thënë Kurti.

“Bashkimi evropian ka thënë ka marrëveshje edhe Serbia ka thënë se ka marrëveshje. Serbia është zotuar se do të zbatohet kjo marrëveshje, por ajo ka rëfuzuar të nënshkruaj marrëveshje. Kjo është frikë e preisdentit të Serbisë, jo mungesë e marrëveshjes”, ka thënë ai./Gazeta Infokus/

Rëndësia e shkathtësive kompjuterike për studime

Të tjera

Fokusi

lajme