Kurti në përvjetorin e vrasjes së “Sandokanit”: Ishte njëri nga luftëtarët më të shquar të UÇK-së
Autori: Gazeta inFokus 11:23 | 08 October 2024
Kryeminstri i Kosovës, Albin Kurti e ka kujtuar heroin Abedin Rexha i njohur si “Sandokani” në 26 vjetorin e vrasjes së tij.
Në një postim në llogarinë e tij në Facebook, Kurti thotë se Sandokani ishte njëri nga luftëtarët më të shquar të UÇK-së.
“Rezistenca e tij e armatosur përballë forcave policore serbe, ishte bërë shkaktare e një serie ngjarjesh që çuan deri te dalja e parë publike e Ushtrisë Çlirimtare të Kosovës. Sot bëhen 26 vite nga vrasja e Abedin Rexhës – Sandokanit, njërit nga luftëtarët më të shquar të UÇK-së. Ai u vra në pyjet e Kllodernicës së Skenderajt, më 8 tetor 1998, në një kohë kur Ushtria Çlirimtare e Kosovës sapo e kishte kaluar ofenzivën e forcave armike serbe të verës së vitit 1998 dhe kur UÇK-ja kishte shumë nevojë për njerëz si Abedin Rexha që mund t’i kontribuonin riorganizimit të saj. Një vit më parë, pasditën e 25 nëntorit të vitit 1997, një makinë e policisë serbe kishte shkuar të patrullonte në fshatin Vojnik të Skenderajt, në lagjen e Binakëve. Atje, ata ishin ndeshur në rezistencë të armatosur nga vëllezërit Brahim, Afrim dhe Abedin Rexha që bashkë me kushëririn e tyre Hamit Rexhën, luftuan me policinë e Serbisë edhe kur ata u përforcuan me dy autoblinda dhe katër makina, duke u bërë rreth 40 policë. Ndërkohë i kishin dërguar dy djem fare të rinj të thërrisnin për ndihmë: njërin në Prekaz te Adem Jashari, kurse tjetrin në Aqarevë te Sylejman Selimi. Atë ditë, nga luftimet mbeti i plagosur djaloshi 11 vjeçar, Baki Krasniqi. Të vetëdijshmen që të nesërmen policët serbë që i kishin zbrapsur do të ktheheshin sërish, atë mbrëmje, grupet e armatosura të Drenicës u mblodhën në odën e Sylejman Selimit në Aqarevë, për të diskutuar për hapat e mëtutjeshëm. Nën drejtimin e Adem Jasharit, ata vendosën që të nesërmen herët në mëngjes t’u zënë pritën policëve në fshatin Rezallë e Re. Mëngjesin e hershëm të 26 nëntorit 1997, në pritje të forcave policore serbe, mbi 20 burra të armatosur u ndanë në grupe në Klysyrë. Ndër ta ishin Adem Jashari, Mujë Krasniqi, Abedin Rexha, Sylejman Selimi, Zenun Kodra, Jetullah Geci, Xhevahir Geci, Nuhi Geci, Shemsedin Geci, Ilaz Dërguti, Rushit Vojvoda, Rrahim Hoxha etj”, ka shkruar shefi i qeverisë, njofton Klankosova.tv.
Tutje, kryeministri shkruan se Abedin Rexha kishte filluar aktivitetin e tij qysh në fund të viteve ’80, kur bashkë me Jakup Nurën dhe Nuhi Gecin kishte shpërndarë edhe trakte e shkruar afishe kundër regjimit të Serbisë në Kosovë.
“Ashtu siç pritej, rreth 150 policë serbë erdhën dhe me t’u futur në grykën mes maleve, Adem Jashari me shokë i sulmuan duke luftuar për mbi tre orë me ta dhe duke i detyruar të ktheheshin pas sikur një ditë më parë. Në tërheqje e sipër, duke shtirë anash rrugëve, policët serbë e plagosën në Llaushë mësuesin Halit Geci, i cili vdiq nga plagët e marra. Gjithë ditën e nesërme, më 27 nëntor, u bënë përgatitje për varrimin e tij, ku u vendos që të flitej publikisht në emër të UÇK-së. Kështu më 28 nëntor 1997, në varrimin e Halit Gecit në Llaushë, për herë të parë u shfaqën në publik luftëtarët e Ushtrisë Çlirimtare të Kosovës, konkretisht Rexhep Selimi që mbajti një fjalim teksa në krah të tij ishin Mujë Krasniqi dhe Daut Haradinaj. Abedin Rexha kishte filluar aktivitetin e tij qysh në fund të viteve ’80, kur bashkë me Jakup Nurën dhe Nuhi Gecin kishte shpërndarë edhe trakte e shkruar afishe kundër regjimit të Serbisë në Kosovë. I hetuar nga policia serbe, më 1992 ai kishte migruar në Gjermani, ku jetoi deri më 1996, kur u kthye në Kosovë duke u rilidhur me Adem Jasharin. Më 6 maj 1997, ai ishte bashkë me grupin e ushtarëve të UÇK-së ku ishin edhe Fehmi Lladrovci, Xhevë Lladrovci, Ramiz Lladrovci, Ilaz Kodra, Rafet Rama, Ramush Haradinaj etj., kur rrugës për të hyrë në Kosovë, ra dëshmor Luan Haradinaj. Në korrik të vitit 1997, Abedin Rexha kishte bashkëpunuar dhe kishte hyrë në Kosovë edhe me Adrian Krasniqin, Ilir Konushevcin e Ilaz Kodrën. Në gusht të vitit 1998, ai ishte caktuar Komandant i Brigadës 112 “Arben Haliti” në Zonën Operative të Drenicës. Por as dy muaj më pas, më 8 tetor 1998, ai u vra tragjikisht, në një situatë fatkeqe për Ushtrinë Çlirimtare të Kosovës”, thuhet tutje në postimin e Kurtit, njofton Klankosova.tv.
“Në kujtim të Abedin Rexhës – “Sandokanit” të Ushtrinë Çlirimtare të Kosovës, luftëtarit të paepur për lirinë e Kosovës”.
Të tjera
-
Ambasadori gjerman takon kryetaren e Speciales
Ambasadori i Gjermanisë në Prishtinë, Jorn Rohde, ka pritur sot në një takim ...
-
Kurti – kryetarëve të komunave: Të angazhohemi bashkërisht për arsimin dual, punët e mbara t’i vazhdojmë
Kryeministri Albin Kurti po mban takim me kryetarët e komunave. Në fillim ...
-
Shefi i CIA-s ngre alarmin: Rrezik i lartë për përshkallëzimin e luftës në Lindje të Mesme
Rreziku për përshkallëzimin e konfliktit në Lindjen e Mesme, është shumë real...
-
Haradinaj: Kurti nuk i shërben Kosovës, popullit i shet propagandë
Kryetari i AAK-së, Ramush Haradinaj për rritjen e pensioneve prej 20 për qind...
-
Sveçla: Pikat tjera kufitare për mallra serbe do të hapen pasi të funksionalizohen skanerët me rreze X
Ministri i Punëve të Brendshme, Xhelal Sveçla, ka thënë se me efekt të menjëh...
-
“Ty të ka humbë topi para syve o rrenc”, Ganja kritikon Kurtin
Deputetja nga radhët e PDK-së, Ganimete Musliu, ka akuzuar rëndë kryeministri...
-
Gruja e Vuçiqit shkon në Kenia për të lobuar kundër Kosovës, shkel Marrëveshjen e Ohrit
Shteti i Kenias ka dhënë shenja të qarta që është në rrugë për të njohur pava...
-
Bastisja tek ministria – deklarohet Hysen Durmishi
Që nga orët e hershme të mëngjesit sot janë duke u kryer bastisje në Ministri...
-
Përfundon bastisja – Izedin Bytyqi largohet me shoqërimin e policisë
Pas më shumë se katër orë bastisje në Minstrinë e Mjedisit, Planifikimit Hapë...
-
“Shpërlarje e parasë, raportim i rremë i pasurisë e dhuratave” – Prokuroria Speciale konfirmon bastisjen në ministrinë e Aliut
Prokuroria Speciale për Infokus ka konfirmuar se në bashkëpunim me Policinë e...
-
Pamje të papublikuara: Momenti kur Njësitet Speciale shtien në drejtim të terrọristëve të Banjskës
Janë bërë më shumë se 1 vit që nga sulmi terrorist në Banjskë. Klan Kosova...
-
Ndryshimi i masave ndaj Serbisë, Stano: BE-ja mbështet tregtinë e lirë të mallrave në gjithë Ballkanin Perëndimor
BE-ja mbështet tregtinë e lirë të mallrave në të gjithë Ballkanin Perëndimor,...