Lajme

Kurti në New York me kryeministrin e Lihtenshtajnit flasin për eliminimin e tatimit të dyfishtë

Autori: Gazeta inFokus 18:04 | 25 September 2024

Kryeministri Kurti në New York është takuar me kryeministrin e Lihtenshajnit, Daniel Risch.

“Ky takim në New York u zhvillua teksa në Prishtinë përfaqësues të dy qeverive po zhvillojnë raundin e katërt të diskutimeve rreth marrëveshjes për EFTA, për çka kryeministri u shpreh optimist për finalizimin e saj e që do të kontribuonte në rritjen e raporteve tona ekonomike dhe tregtare.”

ZKM ka njoftuar se Kurti e ka falënderuar Risch oër mbështetjen e Lihtenshtajnit për anëtarësimin në KiE dhe BE.

-Advertisement-

“Duke qenë përkrahëse e vazhdueshme ndaj proceseve integruese të Kosovës, kryeministri Kurti shprehu falënderimin e tij për mbështetjen e Lihtenshtajnit për anëtarësim në Këshillin e Evropës dhe në Bashkimin Evropian.”

Po ashtu është diskutuar edhe për eliminimin e tatimit të dyfishtë.

“Në kuadër të fuqizimit të marrëdhënieve bilaterale, kryeministri Kurti dhe kryeministri Risch bashkë diskutuan edhe për mundësitë për lehtësimin e bashkëpunimit tregtar përmes eliminimit të tatimit të dyfishtë.”

ZKM bën të ditur se ky ishte takimi i parë ndërmjet dy kryeministrave.

Subscribe në YouTube: GAZETA INFOKUSI
Viva Fresh Store triumfon në çmimet Best Buy Award 2024/2025 në Kosovë!
-Advertisement-

Të tjera

Fokusi

lajme