Uncategorized

Kurti në Mal të Zi: Presim njohjen e ndërsjellë de facto dhe de jure nga të gjitha vendet e Ballkanit Perëndimor

Autori: Gazeta inFokus 10:16 | 16 May 2024

Kryeministri Albin Kurti kërkoi njohje de facto e de jure në mes të të gjithë vendeve të Ballkanit Perëndimor gjatë një konference të Samitit BE-Ballkani Perëndimor.

“Shënojmë 10-vjetorin e Procesit të Berlinit dhe presim të kemi bashkëpunim më të mirë, i cili nënkupton njohjen e ndërsjellë de facto dhe de jure nga të gjitha vendet e Ballkanit Perëndimor”, tha Kurti.

Ai tha se ky takim është mundësi e madhe për të gjitha vendet e Ballkanit Perëndimor për t’u bashkuar dhe për të diskutuar se si mund të integrohen më tej, “duke bërë reformat në shtëpi, por në të njëjtën kohë për të parë se si mund të bëjmë më shumë dhe më mirë me BE-në në kuptimin e përfitimit të programeve për mbështetje”.

-Advertisement-

Kurti ka përmendur se Bosnja Hercegovina nuk ka miratuar marrëveshjen për lirinë e lëvizjes me letërnjoftime.

Kryeministri Kurti ka përmendur edhe gjenocidin e Sllobodan Millosheviqit gjatë luftës dhe tha se refugjatët shqiptarë gjetën një mik në Mal të Zi.

“Refugjatët shqiptarë që po i iknin kthetrave të Serbisë gjetën strehim në Malin e Zi fqinj me një mikpritje të pakushtëzuar për të cilin ju falënderojmë gjithmonë”, ka thënë Kurti.

Ky është takimi i tretë këtë vit ndërmjet Ballkanit Perëndimor dhe Bashkimit Evropian. Kësaj radhe nikoqire e takimit është Qeveria e Malit të Zi, kurse samiti po zhvillohet nën sloganin “Një rajon, vizion i përbashkët”.

Subscribe në YouTube: GAZETA INFOKUSI
Etiketa:
Marsi sjell Magji në ETC
-Advertisement-

Të tjera

Fokusi

uncategorized